Estándares e protocolos
De Wiki do Pazo da Mercé
Moitos fabricantes de software e hardware proporcionan produtos para a conexión de equipos en rede. Fundamentalmente, as redes son un medio de comunicación, de aí que a necesidade dos fabricantes de tomar medidas para asegurar que os seus produtos poderan interactuar foi xa prematura no desenvolvemento das tecnoloxías de redes.
Como as redes e os provedores de produtos para redes están estendidos por todo o mundo, a necesidade dunha estandarización se incrementa. Para dirixir os aspectos que concernen á estandarización, varias organizacións independentes crean especificacións estándares de deseño para os produtos de redes de equipos. Cando se manteñen estes estándares, é posible a comunicación entre produtos hardware e software de diversos vendedores.
Estes estándares definen fundamentalmente unha serie de protocolos. Os protocolos son regras e procedementos para a comunicación. O termo protocolo utilízase en distintos contextos. Por exemplo, os diplomáticos dun país axústanse ás regras do protocolo creadas para axudarlles a interactuar de forma correcta cos diplomáticos de outros países.
Da mesma forma se aplican as regras do protocolo ao contorno informático. Cando dous equipos están conectados en rede, as regras e procedementos técnicos que ditan a súa comunicación e interacción denomínanse protocolos. Estes protocolos, ou regras de comportamento, son especificacións estándar para dar formato aos datos e transferilos.
Entre os organismos de estándares máis destacados temos:
| ORGANISMO | SIGNIFICADO | ENFOQUE | URL |
|---|---|---|---|
| Broadband Forum | Foro de banda ancha | Tecnoloxías ADSL, VDSL e fibra | www.broadband-forum.org |
| ANSI | American National Standards Institute | LANs e WANs | www.ansi.org |
| ETSI | European Telecommunications Standards Institute | Telecomunicacións | www.etsi.org |
| IEEE | Institute of Electrical and Electronics Engineers | LANs e WANs | www.ieee.org |
| IETF | Internet Engineering Task Force | Internet | www.ietf.org |
| IMTC | International Multimedia Telecommunications Consortium | Videoconferencia | www.imtc.org |
| ISO | International Organization for Standarization | Tecnoloxías da información | www.iso.org |
| ITU | International Telecommunication Union | Telecomunicacións | www.itu.int |
| NTIA | National Telecommunications And Information Administration | Telecomunicacións | www.ntia.doc.gov |
| SANS | System Administration Network Security | Seguridade en redes | www.sans.org |
| TIA | Telecommunications Industry Association | Telecomunicacións | www.tiaonline.org |
| PCIA | Personal Communications Industry Association | Comunicacións | www.pcia.com |
| W3C | World Wide Web Consortium | Tecnoloxías web | www.w3.org |
