Introdución ao nivel de aplicación

De Wiki do Pazo da Mercé

O nivel de aplicación encárgase de ofrecer ao usuario un servizo concreto sobre a rede de comunicacións, como pode ser intercambiar un ficheiro (protocolo FTP), enviar un correo electrónico (protocolos SMTP, POP) ou chatear (protocolo IRC). Queda como responsabilidade dos programas a interacción co usuario, mediante ventás, botóns, menús, etc., pero a comunicación realizarase mediante chamadas ao servizo de aplicación correspondente.

Na meirande parte das aplicacións distinguimos dous tipos de roles: o equipo cliente, que solicita un determinado servizo de rede a outro equipo que actúa de servidor, e que está en permanente execución esperando (escoitando) a chegada de peticións por parte dos equipos clientes.