O control de acceso ao medio

De Wiki do Pazo da Mercé

Denomínase método de acceso ao conxunto de regras que definen a forma en que un equipo coloca os datos na rede e toma os datos do cable. Unha vez que os datos se están movendo na rede, os métodos de acceso axudan a regular o fluxo do tráfico da rede.

Unha rede é dalgunha forma como a vía dun tren, pola que circulan varios trens. Ademais da vía, hai estacións de tren. Cando un tren está na vía, o resto dos trens deben respetar un procedemento que goberna como e cando entran no fluxo de tráfico, o que lles é indicado polos xefes de estación. Sen este procedemento, a entrada dun tren podería colisionar con outro que xa estivese na vía.

Nunha rede, parece que todo o tráfico se move simultaneamente, sen interrupción. En cambio, esta aparencia é unha ilusión; en realidade, os equipos toman quendas para acceder á rede durante breves períodos de tempo. A maior diferencia está na maior velocidade na que se move o tráfico da rede. Varios equipos poden compartir o acceso ao cable, pero se dous equipos tratasen de colocar datos no cable á vez, os paquetes de datos dun equipo poderían colisionar (Ver animación) cos paquetes de datos do outro equipo, e ambos conxuntos de paquetes de datos poderían danarse. Se un usuario vai enviar os datos a outro usuario a través da rede, ou se vai acceder aos datos dun servidor, ten que haber unha forma para que os datos podan acceder ao cable sen interferirse entre eles.

Os métodos de acceso teñen que ser consistentes na forma de manipular os datos. Se os equipos utilizasen métodos de acceso distintos, a rede podería ter problemas, debido a que uns métodos poderían dominar o cable. Ao asegurar que só un equipo coloca os datos no cable da rede, os métodos de acceso aseguran que o envío e recepción de datos da rede realízase de forma ordenada.