Ver o código fonte

== Redes punto a punto e multipunto == 

* '''Rede Multipunto (''Broadcast'')''': Unha soa canle de comunicación é compartida por todas as máquinas. Un paquete de datos mandado por algunha máquina é recibido por todas as outras.

* '''[http://es.wikipedia.org/wiki/Redes_punto_a_punto Rede Punto a punto] (''Point-to-Point'')''': Temos moitas conexións entre pares individuais de máquinas. Os paquetes de unha máquina a outra poden atravesar máquinas intermedias, e entón precísase o '''ruteo''' (''routing'') para dirixilos.

<gallery>
Imaxe:Redemultipunto.jpg|Rede multipunto
Imaxe:Redepuntoapunto.jpg|Rede punto a punto
</gallery>

== Tranmisións analóxicas e dixitais ==
[[Imaxe:Sinaisanaloxicosedixitais.jpg|thumb|120px|right]]

* [http://es.wikipedia.org/wiki/Se%C3%B1al_anal%C3%B3gica '''Sinal analóxico''']: aquel que pode tomar calquera valor dentro dun rango determinado. A potencia do sinal analóxico recibido debe estar comprendido entre uns valores máximo e mínimo. A calidade depende non só da potencia recibida, senón tamén do ruído que a acompaña. Cando un sinal chega a un repetidor/amplificador este amplifica o sinal, co cal tamén amplifica o ruído que con ela chega.

* [http://es.wikipedia.org/wiki/Se%C3%B1al_digital '''Sinal discreto ou dixital''']: aquel que só toma un número finito de valores dentro dun rango determinado. A potencia do sinal discreto recibido debe estar comprendido entre uns valores máximo e mínimo. Cando un sinal chega a un repetidor este rexenera o sinal orixinal eliminando o ruído. Esta é a gran vantaxe das comunicacións dixitais, xa que son moito máis robustas ante o ruído que sempre aparece na transmisión.

== Transmisión en serie e en paralelo ==

Neste caso distinguiremos dous tipos de secuenciamento dos bits transmitidos.

* '''Serie:''' Os bits dunha palabra envíanse consecutivamente un tras outro.

* '''Paralela''': Os bits dunha palabra envíanse por diferentes circuítos/cables.

<gallery>
Imaxe:Linaserie.jpg|Transmisión en serie
Imaxe:Linaparalela.jpg|Transmisión en paralelo
</gallery>

Aínda que o rendemento da trasmisión en paralelo é maior que o da transmisión en serie, en grandes distancias o seu comportamento empeora polas interferencias que os distintos cables provocan entre sí.

== Comunicación símplex, dúplex e semidúplex ==
[[Imaxe:Simplexeduplex.jpg|right|thumb|250px]]

Neste caso podemos distinguir entre tres tipos de comunicacións nas redes segundo o fluxo de información entre o emisor e o receptor. As restriccións no sentido da comunicación poden vir dadas tanto polos dispositivos emisores ou receptores como pola propia liña de comunicación.

* '''Comunicación símplex''': Unha comunicación é símplex se están perfectamente definidas as funcións do emisor e receptor e a transmisión de datos sempre se efectúa exclusivamente nun sentido : de emisor a receptor.<br/>Dicimos que neste tipo de comunicación hai unha única canle física e unha única canle lóxica unidirecional.

* '''Comunicación semidúplex ou ''half duplex''''': A comunicación pode ser bidireccional, é dicir, emisor e receptor poderán intercambiar os seus papeis; sen embargo, esta bidirecionalidade non pode ser simultánea. Cando o emisor transmite, o receptor necesariamente recibe; despois, o receptor pode exercer como emisor coa condición de que o antigo emisor pase a ser receptor.<br/>Na comunicación semidúplex hai unha única canle física e unha canle lóxica bidirecional.

* '''Comunicación dúplex ou ''full duplex''''': Na comunicación dúplex a comunicación é bidireccional e ademáis simultánea. O emisor e o receptor non están perfectamente definidos: Ambos ETD actúan como emisor e receptor indistintamente.<br/>Na comunicación dúplex hai unha canle física e dúas lóxicas.

== Transmisión síncrona e asíncrona ==

O sincronismo é o proceso polo que un emisor e un receptor se poñen de acordo sobre o instante preciso no que comeza ou remata unha información que se pon no medio de transmisión. Polo tanto, a sincronización require a definición dunha base de tempos sobre a que medir os distintos eventos que ocorren durante toda a comunicación. Un erro no sincronismo impedirá interpretar correctamente a información a partir dos sinais que viaxan polo medio.

Con respecto a técnica utilizada para conseguir o sincronismo na transmisión, podemos distinguir dous tipos de transmisións:

[[Imaxe:Asincrona.jpg|right|thumb|250px|Transmisión asíncrona]]

* '''Transmisión asíncrona''': Unha transmisión é asíncrona cando o proceso de sincronización entre o emisor e o receptor se realiza en cada palabra de código transmitida (unha palabra é conxunto de bits con algún significado, a unidade mínima de comunicación). <br/><br/>Isto se leva a cabo a través duns bits especiais que axudan a definir o contorno de cada código. No seguinte exemplo, podemos ver unha liña cun estado de reposo (1), pola que se transmite unha palabra de 8 bits enmarcada entre un bit de start (0) e un bit de stop (1).<br/><br/>Nesta técnica, o emisor e receptor disparan un reloxo interno cada vez que se envía un bit de start, que marcarán pulsos a unha velocidade determinada previamente e igual nos dous extremos. Gracias a eles, tanto emisor como receptor saberán cando comeza e cando remata o sinal que representa cada bit de información. Cando se envía o bit de stop, estes reloxos se deteñen ata a nova sincronización.<br/><br/>Posto que a sincronía da transmisión se restaura en cada palabra, este sistema é pouco sensible (é dicir, que non lle afectan moito) aos problemas que producen as faltas de sincronismo unha vez que se fixa a velocidade de transmisión.


[[Imaxe:Sincrona.jpg|right|thumb|250px|Transmisión síncrona]]

* '''Transmisión síncrona''': A transmisión é síncrona cando se efectúa sen atender a palabras ou unidades de comunicación básicas. Por contra, nesta técnica os bits se envian a unha cadencia constante un tras outro sen discriminar. Emisor e receptor se sincronizan a través dun sinal de reloxo que se envía paralelamente cos datos.<br/><br/>Nas transmisións asíncronas sóense utilizar caracteres especiais para evitar os problemas de perdas de sincronía nos bits de información transmitidos, que poden producirse se o sinal de reloxo se desfasa. Por exemplo, o carácter SYN do código ASCII (0010110) é moi utilizado xa que é irrepetible polo desprazamento dos seus bits, e desta forma o receptor é capaz de darse conta de que houbo un desprazamento.

O modo de transmisión síncrona permite velocidades de transmisión maiores que a asíncrona, xa que obtén un mellor rendemento da liña de datos. Entendemos por rendemento dunha transmisión a relación entre os bits de información transmitidos e os bits totais transmitidos.

Hai que ter en conta que na transmisión síncrona non son precisos os bits de start e stop que acompañan a cada carácter na transmisión síncrona. Por exemplo, se temos unha transmisión síncrona cun bit de start e 2 de stop, obtemos un rendemento de:

 Rendemento = 8/(8+1+2)*100 = 72,7%

Sen embargo, se supoñemos unha transmisión de 1kB de información enviado por unha liña síncrona na que se envían 3 caracteres de SYN cada 256 bytes, o rendemento será:

 Rendemento = (1024*8)/((1024+12)*8)*100 = 98,8%

== Transmisión banda base e banda ancha ==

Segundo a técnica en que se codifican os sinais pola canle, distinguimos dous tipos de comunicacións:

* '''Transmisión en banda base''': Os sistemas en banda base utilizan sinalización dixital nunha única canle. Coa transmisión en banda base, utilízase a capacidade completa da canle de comunicación para transmitir un único sinal de datos. A sinal transmitida utiliza toda a frecuencia que permite a canle.<br/><br/>No seguinte gráfico vemos as técnicas de codificación de sinal en banda base máis utilizadas:



[[Imaxe:Sinalizacionsbandabase.jpg]]

* '''Transmisión en banda ancha''': Os sistemas de banda ancha utilizan sinalización analóxica e un rango de frecuencias. Para transmitir o sinal utilízase un sinal analóxico portador que ten unha frecuencia distinta ó sinal que queremos transmitir (sinal modulador). Na transmisión en banda ancha o fluxo do sinal é unidirecional.

[[Imaxe:Bandaancha.jpg|center]]