Ver o código fonte

== Visualizar e controlar os equipos con Windows ==

Pódese usar o programa UltraVNC para visualizar e poder tomar o control dos equipos dos alumnos de forma remota dende o equipo do profesor. No escritorio do equipo do profesor, coa icona '''UltraVNC Viewer''' podemos lanzar o programa para facelo.

A continuación vedes a pantalla de conexión que permite visualizar ou controlar o equipo dun alumno:

[[Imaxe:Ultravnc.jpg|center]]

Os datos máis importantes que se poden establecer son:

* '''VNC Server''': Indicaremos o nome do equipo que queremos controlar. Os equipos das aulas se chaman '''taller''xx''''' (na aula de 1º) e '''infor''xx''''' (na aula de 2º), onde '''''xx''''' é o número de equipo. Os equipos están numerados a partir do 00 que é o equipo do profesor, comezando pola primeira fila e no equipo que estea pegado á ventá (Por exemplo, o equipo do alumno que se senta na primeira fila pegado á venta será 01).

* '''View only''': Activaremos esta opción se só queremos visualizar o equipo do alumno, pero non tomar o control sobre o seu rato e teclado.
* '''Auto Scaling''': Activaremos esta opción se queremos que se escale a resolución da pantalla do alumno para que se adapte ao tamaño da ventá na que a visualizaremos.
* '''Save connection settings as default''': Se activamos esta opción, almacenaranse as opcións que teñamos seleccionadas como opcións por defecto para o programa.

Unha vez seleccionadas as opcións, conectarase co equipo picando no botón de '''Connect''' e se nos solicitará un nome de usuario e un contrasinal. Haberá que introducir os mesmos datos que usamos para iniciar sesión, e só permitirá a conexión se o usuario introducido é un profesor:

[[Imaxe:vnc.jpg|center]]