Comandos de rede en Linux

De Wiki do Pazo da Mercé

Revisión como estaba ás 22:00, 15 marzo 2009

Comandos para testear a conectividade de rede

Estes comandos son moi útiles para comprobar a conexión entre dous equipos e detectar posibles erros de conectividade na rede.

ping

• Descrición: Detecta se hai conexión con outro equipo enviando paquetes ICMP. Temos que ter en conta que para que funcione correctamente o equipo de destino deberá ter configurado o firewall para que acepte os paquetes ICMP.
• Sintaxe:

ping  [-LRUbdfnqrvVaAB]  [-c count] [-i interval] [-l preload] [-p pattern] [-s packetsize] [-t ttl] [-w deadline] [-F flowlabel]
[-I  interface] [-M hint] [-Q tos] [-S sndbuf] [-T timestamp option] [-W timeout] [hop ...] destination

• Opcións principais:

-c count: Envía só as peticións de ping indicadas en count. Por defecto, ping fai peticións de xeito ininterrumpida

-W timeout: Permite indicar o tempo en segundos que se espera pola resposta dunha petición de ping, antes de provocar un “Timeout”

traceroute

• Descrición: Mostra a ruta que segue un paquete para chegar ao seu destino
• Sintaxe:

traceroute [-d] [-h MaximumHops] [-j HostList] [-w Timeout] [TargetName]

• Opcións principais:

-h: Permite indicar o número máximo de saltos que queremos dar. Por defecto establece un máximo de 30 saltos

Comandos para a configuración da rede

Estes comandos nos permiten visualizar e modificar a configuración IP das interfaces de rede do equipo.

ifconfig

• Descrición: Mostra información dos interfaces de rede e a configuración IP do equipo, e permite refrescar a configuración de DHCP e de DNS
• Sintaxe:

ipconfig [/all] [/renew [Adapter]] [/release [Adapter]] [/flushdns] [/displaydns] [/registerdns] [/showclassid Adapter] 
[/setclassid Adapter [ClassID]]

• Opcións principais:

/all: Mostra a información completa de todos os interfaces de rede activos da máquina e información global do equipo.
Por defecto, só mostra a dirección IP, máscara e porta de enlace predeterminada para cada adaptador

/renew: Refresca as direccións IP obtidas por DHCP de todos os interfaces de rede configurados por DHCP ou do interfaz
indicado, se está configurado por DHCP

/release: Libera e descarta as direccións IP obtidas por DHCP de todos os interfaces de rede configurados por DHCP ou do
interfaz indicado, se está configurado por DHCP. Para facelo, envía ó servidor DHCP a mensaxe DHCPRELEASE

/flushdns: Vacía o contido da caché de DNS do equipo

/displaydns: Mostra o contido da caché DNS do equipo

/registerdns: Inicia manualmente o rexistro no servidor de DNS do nome e dirección ou direccións IP do equipo local

/showclassid, setclassid: Visualiza e establecen, respectivamente, a clase de dirección IP asignada por DHCP. As clases de
direccións en DHCP permiten ó servidor asignar direccións IP ós equipos en función da clase á que pertenzan.
Para facer referencia a un adaptador de rede utilizaremos o seu nome (por exemplo, “Conexión de área local”), pero tamén podemos
utilizar comodíns para referenciar un ou máis interfaces (por exemplo, * ou Con*)

route

• Descrición: Mostra e modifica as entradas da táboa de enrutamento do equipo
• Sintaxe:

route [-f] [-p] [Command [Destination] [mask Netmask] [Gateway] [metric Metric]] [if Interface]]

• Opcións principais:

-f: Limpa as entradas da táboa que non sexan rutas a máquinas, a de loopback ou rutas multicast. Úsase cos comandos add, delete
e change, e a limpeza se fai antes de executar o comando en cuestión

-p: Serve para manexar entradas na táboa de enrutamento persistentes, que se inclúen cada vez que se inicia o servizo de TCPIP xa
que se almacenan no rexistro de Windows. Pode ser usado co comando add para engadir unha entrada persistente e con print para
visualizalas

Os comandos que se poden usar con route son:
* print: Mostra toda a táboa de enrutamento ou as entradas para un destino ou  varios determinado (por exemplo, route print 80.*)
* add: Engade unha entrada na táboa
* delete: Borra unha ou varias rutas da táboa (por exemplo, route del 10.*)
* change: Modifica os datos dunha ruta, como o gateway, métrica ou interface

Os parámetros dos comandos son:
* Destino da ruta (Destination)
* Máscara de rede (mask Netmask)
* Dirección á que hai que reenviar, é dicir nodo seguinte (Gateway)
* Métrica que indica o custo da ruta (1-9999). Se ten varias rutas posibles para o mesmo destino, tomará a de menor valor na métrica
* Índice da interfaz de rede ó que está asociado a ruta. Pódese ver a lista dos índices dos interfaces de rede do equipo con
  route print

hostname

• Descrición: Mostra o nome da máquina
• Sintaxe:

hostname

dhclient

Comandos para testeo do DNS

nslookup

• Descrición: Permite realizar consultas e facer diagnósticos sobre os servidores de DNS. É un comando moi completo con moitas posibles opcións
• Sintaxe:

nslookup [-SubCommand ...] [{EquipoABuscar| [-Server]}]

• Opcións principais:

EquipoABuscar: Indicamos o nome de equipo que queremos buscar no servidor de DNS

-Server: Permite indicar a dirección IP do servidor de DNS que queremo utilizar. Se non poñemos nada, utilizarase o
servidor de DNS establecido na configuración TCP/IP do equipo

Comandos para a xestión da caché ARP

arp

• Descrición: Mostra e permite manipular as entradas da caché ARP do equipo
• Sintaxe:

arp [-a [InetAddr] [-N IfaceAddr]] [-g [InetAddr] [-N IfaceAddr]] [-d InetAddr [IfaceAddr]] [-s InetAddr EtherAddr [IfaceAddr]]

• Opcións principais:

-a: Mostra todas as entradas da caché ARP. Se a máquina ten varias direccións IP e se indica unha delas, mostrará as entradas
só dese interfaz

-d: Borra a entrada da caché asociada coa IP indicada. Pódese usar o * para borrar todas as entradas da táboa

-s: Engade na táboa ARP unha entrada estática que asocia a dirección IP indicada coa dirección MAC indicada

Comandos para a monitorización das conexións de rede

netstat

• Descrición: Permite ver as conexións abertas no equipo e a táboa de enrutamento
• Sintaxe:

netstat [-a] [-e] [-n] [-o] [-p Protocol] [-r] [-s] [Interval]

• Opcións principais:

-a: Mostra todas as conexións que ten o equipo, incluíndo aquelas que están en estado de escoita (LISTEN)

-e: Mostra estatísticas do protocolo Ethernet no equipo, como número de paquetes enviados e recibidos

-r: Mostra a táboa de enrutamento do equipo (equivale a route print)