Nesta unidade estudaremos as relacións de tipo estatístico entre dúas variables.

No estudio desta relación formularanse dous problemas diferentes, aínda que relacionados entre si.

Estudaremos o grao de causas comúns entre ambas as dúas, problema denominado correlación. Tamén analizaremos unha das variables condicionándoa ao comportamento da outra; este problema recibe o nome de regresión.

As ideas matemáticas sobre estes temas e o seu desenvolvemento son debidas aos científicos ingleses Francis Galton (1822-1911) e Karl Pearson(1857-1936), que as achegaron dende a Bioloxía e a Física, asociadas a problemas relacionados coa evolución e a herdanza.

• Estudar distribucións de puntos no plano.

• Descubrir posibles relacións entre as variables estudadas.

• Distinguir entre relacións estatísticas e funcionais.

• Comprender o concepto de correlación lineal, descubrir o seu signo e o seu valor aproximado. Entender que o grao de correlación informa sobre a influencia dunha variable noutra.

• Decidir, segundo o valor de r, se pode facerse unha estimación fiable. Utilizar a recta de regresión para estimar unha variable a partir da outra.