Déixate acompañar dun libro.   
 Discográfica: Locomotive

Tus problemas crecen

Boikot

Desde o principio até o fin, este CD fala de moitos problemas que ocorren no mundo en que vivimos, e por iso gustaríame que todas as persoas os escoitasen, polo menos unha canción.

A súa música mestura temas punk e rockeiros, e ás veces, algunha canción ten restos de música ska, o que fai que pase de ser unha música agresiva a unha música divertida, sen deixar de lado os temas de protesta que tratan.

 

 
 Recoméndolles este disco a todas as persoas ás que lles gusta a música rock-punk e a todos/as os que escoitan música de protesta. Paréceme que esta música é para todos, sen importar a idade.
 

 Suxerido por Daniel López González (1º Bach. B)
 Discográfica:
Dro West

Pedrá

Extremoduro

Recomendo este CD especialmente pola súa longa duración (un solo escóitase en 29:26 minutos), en todo ese tempo a música é moi variada, dependendo do significado da canción.

Cando o cantante se mostra rebelde, a música é estrondosa e os instrumentos soan con forza, pero cando o cantante baixa o ton, a súa voz é doce e agradable, e a música melódica.

Canto á letra, é moi simple; o vocabulario baséase na lingua coloquial, a que falamos entre nós, por isto aínda me gusta máis.

 
 Este CD recoméndollelo especialmente aos meus amigos, a pesar de que tamén me gustaría que a escoitasen na miña casa e entedesen a canción.
 

 Suxerido por Ramón Muñíz Torrado (4º E.S.O. C)
 Discográfica:
 DRO

 Por la boca vive el pez

Fito y los Fitipaldis 

Fito y los fitipaldis é un grupo de música pop. As súas letras tratan temas da vida real (amores, sentimentos, equivocacións...), é dicir, toda unha grande variedade na cal poderías identificar como te sentes nun momento da vida.

Ademais de polas letras, a min gústame tamén polos seus ritmos, moi movidos e alegres, e por como toca a guitarra Fito, que é tan bó que cando o escoitas che entran gañas de aprender a tocar a guitarra.

En conclusión, na súa discografía poderíase ver un mundo de ilusións e de problemas da vida, que se ven amañados cunhas boas letras e un par de notas.

 
Recomendaríalle que escoitase este disco a todo aquel a quen lle guste a boa música, que saiba escoitala, e teña aprezo polas boas letras.
 

  Suxerido por: Diego Porto Fernández (1º Bach B)

 
 
 Discográfica:
Virgin Records

Danza das areas

Uxía

Editado no ano 2000, o disco Danza das Areas foi un punto de inflexión na traxectoria desta intérprete galega, froito da necesidade de composicións propias nas que procura sons máis contemporáneos. Rodéase unha vez máis dun plantel de colaboradores abraiante: Dulce Pontes, María del Mar Bonet, Karen Matheson de Capercaillie, Joao Afonso, Rosa Cedrón de Luar na Lubre, Xosé Manuel Budiño, etc.

Uxía escribiu a letra de varias das cancións que interpreta neste disco, mais tamén escolleu temas tradicionais  (Desamores, Altinho..), e poemas de Rosalía de Castro ou María Mariño.

Se queres escoitar a Uxía interpretando o poema de María Mariño, fai click aquí.

 
 Recomendaríamoslle que escoitasen este disco a todos aqueles a quenes lles guste a música e a poesía, que debemos ser todos.
 

 Suxerido polo Equipo de Normalización Lingüística
 
Discográfica:
Colombia Records

The free wheeling' Bob Dylan

Bod Dylan
 Bob Dylan é un cantante norteamericano que só utilizaba a súa guitarra e a súa harmónica. Dylan foi un dos ídolos dos sesenta.

Este disco é o seu segundo álbum. A canción máis coñecida é "Blowin' in the wind", mais tamén encontramos algunha balada como "Girls of the North Country" e "Don't think twice, it's all right".

 

 

 Recoméndolles este CD a todas as persoas que nunca escoitaron a música dos anos sesenta, porque moitos mozos pensan que a música desta década non vale para nada. De todos modos, eu dígolles a todas estas persoas que se poñan a escoitar as cancións destes autores e descubirán porque Dylan está considerado un dos mellores cantantes dos 60.

 

Suxerido por: Diego Porto Fernández (1º Bach B)
Discográfica: Geffen

Appetite for destruction

 Guns N' Roses
 Recomendo este grupo porque está ben coñecer a banda que despertou de novo o rock nos anos 80 e que marcou este tipo de música.
Naceron no ano 1985 a partir da fusión das bandas Hollywood Rose e L.A. Guns, de aí o seu nome.

Son un grupo de hardrock perfecto. Recomendo calquera disco, pero o mellor de todos é o "Appetite for destruction".

Para ampliar a cultura musical, unha persoa debe coñecer a existencia desta banda.

 

 Como isto da música non atende a idades nin xéneros, xa que opino que todo o mundo merece disfrutala sexa o estilo que sexa, recoméndovos este disco a todos vós.

 

Suxerido por: Nina Castro Domínguez (4º E.S.O. C)
Discográfica:

Vals del obrero

 SKA-P

 Recomendo este CD porque as letras deste grupo falan e critican os problemas do mundo, os cales moita xente prefire ignorar.

Ska-p é un grupo musical español que se o escoitas has notar que critica a indiferencia da xente cara os problemas que nos rodean. Con este grupo pódeste dar conta de que hai máis corrupción, discriminación, sexismo, racismo, xenofobia e capitalismo do que te imaxinas.

Nunha canción deste CD faise un chamamento á revolución e ao orgullo de ser obreiro, traballador.

Se tes unha opinión distinta da que poden reflectir estas letras, o disco non che vai facer cambialas, pero si te darás conta dos verdadeiros problemas que nos rodean.

 
 Recoméndolle este CD, como calquera outro de Ska-p a aquelas persoas que lle interesen os problemas da sociedade na que vivimos actualmente e lles gustaría abolir os problemas de carácter social.
 

Suxerido por: Juan M. García Oujo (1º Bac. A)
Discográfica:
Geffen

blink 182

 blink 182

A banda "blink 182" formouse en San Diego, California, por Mark Hoppus (baixo), Tom Delonge (guitarra) e Travis (batería). Destacou polo seu satírico humor e polas súas melodías neopunk.

O seu 5º disco oficial chamouse "blink 182" e saíu ao mercado en novembro de 2003, foi o traballo máis rockeiro que lanzaron até o momento. Nalgúns temas contan coa participación de Robert Seit, do grupo The Cure, dos que sempre se declararon fanáticos.

Este álbum deixárono sen título para marcar un novo comezo da banda, pero separáronse en febreiro de 2005, cando anunciaron o seu merecido descanso.

 

Suxerido por:  Alba Fernández Souto (2º E.S.O. B)
Discográfica:
Mil A Gritos Records

Directo

 Soziedad Alkohólika

Este grupo de música é vasco e está composto por 5 compoñentes. Ademais de vivir nun país tan conflitivo, revélanse contra E.T.A. e contra os atentados que fan.

Recoméndovos este disco, ademais de por ser un grupo coñecido por todo o mundo, por se tratar dunha recompilación das mellores cancións que teñen, e aínda por riba en directo.

Falan de diversos temas, como a contaminación...

 

Recoméndollo ao mozos e mozas que lles guste o Rock Metal porque esta música é unha música forte.

Suxerido por:  Adán Martínez Fernández (4º E.S.O. C)

 
Discográfica: Locomotive Records

The Massacre

 50 Cent

Porque á xente de agora e a min nos gusta a música forte,é este un disco de música forte.

Recoméndollo á xente que lle guste a música forte, aínda que penso que lles ha de gustar máis aos rapaces que ás rapazas.

Suxerido por:  Abraham Cobas Escurís (3º E.S.O. B)
 
 
Discográfica: Locomotive Records

Tierras de Leyenda

Tierra Santa

É un bo disco, o mellor deste grupo, onde destacan algunhas cancións (Tierras de leyenda, Sodoma y Gomorra, La Torre de Babel, La canción del pirata...)

Tierras de Leyenda apareceu no ano 2000, e con el o grupo deuse a coñecer. A primeira canción é moi distinta das demais.

Gustaríame destacar a batería, e tamén a voz, que me parece moi boa. Fixádevos no berro que bota o cantante na segunda canción! É un gran disco, seguro que vos ha gustar.

Recoméndolles este disco aos mozos e mozas entre 8 e 16 anos aos que lles guste o heavy metal. Na miña opinión, é o segundo mellor disco da historia. Escoitádeo!

Suxerido por:  Manuel Hermo Santiago (3º E.S.O. B)
 
 
Discográfica: Wea

Stadium Arcadium

 Red Hot Chili Peppers

O disco é recomendable porque o grupo é moi bo e as letras e a música están moi traballadas, todas as cancións están ben elaboradas e quedaron moi ben, non como outros discos onde só encontras unha ou dúas pezas que estean ben.
Hai cancións de todo tipo, pero predomina sobre todo o rock.

O baixista e o cantante son os que destacan polo talento.

Recoméndollo a calquera persoa que intente tocar o baixo, a guitarra ou a batería, porque é un grupo do que, imitando os seus temas, podes aprender moito e moi ben.
Pero tamén llo aconsello a todo aquel a quen lle guste a música.

Suxerido por:  Pablo Fernández Buceta (4º E.S.O. A)