A primeira trasnada de Verne

Aos 11 anos escapa da casa e enrólase en La Coralie, barco con destino ás Indias. Cólleo seu pai nas escaleiras do barco. Lévao á casa e el di: a partir de agora só viaxarei en soños. Esta aventura frustrada quedará gravada para sempre na alma do xove novelista como un símbolo da renuncia a vivir as suas fantasías.

Parece que o castigo foi exemplar, sen excluír azoutes e humillacións, pero, sen dúbida, o máis doloroso foi a definitiva brecha, o distanciamento co pai.

 

As visitas do autor a varios países

Primeiro circulou a lenda de que Verne escribira os seus libros e describira todos os lugares das súas historias sen ter viaxado nunca, logo co tempo foron aparecendo reportaxes de visitas de Xulio Verne a diferentes lugares de Europa e América. A cantidade de períodos escuros na vida de Xulio Verne, é dicir a ausencia de cartas e de pistas que permitan coñecer onde estivo durante semanas enteiras e incluso meses, fan moito máis fácil a invención de novas lendas e a creación de novos mitos sobre a súa vida. A fértil imaxinación de moitas persoas permitiu que se teñan lanzado e que se continúen lanzando cada certo tempo novas historias como unha aparecida recentemente nun periódico, onde un columnista afirmaba que Verne deixara no seu testamento unha cláusula onde decidía deixar unha certa cantidade de diñeiro ao primeiro home que pisase la Lúa. E aínda os lectores se estarán preguntando, canto diñeiro lle terán dado a Neil Armstrong?

Un escritor de novelas para adolescentes

O mito de Verne como escritor de novelas para adolescentes é quizais un dos máis difundidos a escala mundial. Mais chegouse á conclusión de que os propios adultos necesitan varias lecturas de algúns dos textos para chegar a entendelos ben. Por tanto, non sería mellor universalizar a Verne e dicir que é un escritor para todas as idades?

Os primeiros contratos

Cando escribe Unha viaxe en globo ninguén lla quere publicar (non será ata 1873 cando el poida subir uns minutos a un globo). Ata que coñece ao editor Xulio Hetzel, que vai cambiar a súa vida. En 1863 vai publicar Cinco semans en globo, que foi un éxito de vendas. Dous anos despois saen Da Terra á Lúa e Os fillos do Capitán Grant.

Viaxa a Estados Unidos nun grande transatlántico, o que lle inspirará Unha cidade flotante. A súa fama vaise agrandar cando no 1869 sae Vinte mil leguas de viaxe submarina. O éxito definitivo en sona e diñeiro veulle en 1873 coa Volta ao mundo en oitenta días, e un ano despois publica a súa obra cume, A illa misteriosa. Agora xa pode mercar barcos de recreo aos que convida a personaxes famosos.

Información obtida da web “Viaje al centro del Verne desconocido”. Ariel Pérez.