Música 1º BACH

1 O rock. A súa evolución.

Por música rock podemos entender un xénero musical que engloba diversos estilos. Caracterízase polo ritmo marcado, a súa potencia, e xeralmente se interpreta con guitarras, baixos, baterías, e en ocasións teclados.

Alan Freed, un disc-jockey de Cleveland, na década de 1950, foi o que lle deu nome a este movemento de importancia non só musical, senón tamén social, xa que foi un dos nexos entre a cultura negra e a branca. Con esta música apareceu unha linguaxe universal, que tiña como base a música Rhythm and Blues negra e o Country dos brancos.  

 Do mesmo xeito, é importante sinalar neste momento a música folk, que no 1959, como resposta as campañas bélicas do goberno, rexurdirá con figuras como Joan Baez, Leonard Cohen e Bob Dylan. Nas súas cancións están as protestas ás inxustizas políticas, as guerras, ao racismo e á falta de comprensión e diálogo.