Os sucesos de Casas Viejas
As medidas reformistas do Goberno para mellorar a condición social dos
traballadores do campo foron obstaculizadas polos grandes e medianos propietarios
que,en moitos casos, deixaron de traballar a terra e non contrataban braceiros.
Estas actitudes provocaban a desesperación pola falta de traballo, situación
que orixinaba tumultos e alteración da orde pública. Os sindicatos
convocaban folgas e manifestacións. Nalgúns puntos de Castela,
Andalucía e Estremadura producíronse ocupacións ilegais
de terras.0 acontecemento máis tráxico deste tipo de conflictos
sucedeu en Casas Viejas, un pobo gaditano situado nunha zona de fame endémica,
desemprego e pobreza estrema, agravada polo boicot dos patróns á
República. 0 día 10 de xaneiro de 1933, os seus habitantes proclamaron
o comunismo libertario, colectivizaron as terras, cortaron as liñas telefónicas
e cavaron trincheiras. A represión foi especialmente sanguinaria: os
campesiños sublevados (entre os que estaba o anarquista Curro Cruz, alcumado
Seisdedos) foron acurralados, algúns queimados na casa onde resistían
e outros fusilados sen xuízo previo.
Estes feitos causaron un forte impacto na opinión pública e foron
utilizados polas dereitas para desprestixiar ao Goberno. Ademais, os revolucionarios
de esquerda querían acabar con esta república que cualificaban
de burguesa e que non atendía ás demandas sociais do pobo.
A MAN DE SEISDEDOS
"Segundo as nosas noticias, os sucesos de Casas
Viejas tiveron o punto de maior emoción co bombardeo e queima da casa
onde se refuxiaron os sindicalistas. (...) Tan axiña como se tivo noticia
en Cádiz do ocorrido en Casas Viejas, dispúxose a saída
dunha Secci6n de Asalto con metralladoras, bombas de man e outros elementos,
para a defensa dos seus compañeiros, atacados polos revoltosos. (...)
O tiroteo durou ata as sete da mañá e a esta hora as forzas, en
vista de que os extremistas non se rendían, comezaron a lanzar bombas
de man contra a casa, que foi incendiada polos catro costados, quedando totalmente
destruída. (...) Mañá serán enviados a Casas Viejas
400 gardas civís e unha sección de gardas de asalto para restablecer
a orde naquela zona. Tamén se dispuxo que de Sevilla vaian a Casas Viejas
algúns avi6ns para protexer a descuberta que haberá que facer
para reparar as liñas telegráficas e telefónicas que están
cortadas. "