PRINCIPIOS E OBXECTIVOS

REGULAMENTO DE REXÍME INTERIOR

PRINCIPIOS E OBXECTIVOS

1. Principios educativos
1.2. Obxectivos educativos

2. Obxectivos da aprendizaxe
2. 1. Introducción
2.2. Propostas

2.3. Avaliación

1.Principios educativos

Os principios educaivos constitúen os referentes básicos que deben rexer a vida do Instituto. Estas ideas vertebradoras teñen vocación de permanencia no tempo e sintetizan a idea do Centro que queremos:

I. Un Instituto no que a convivencia se basee no diálogo e no respecto mutuo entre todos/as membros da comunidade.
II. Un Instituto no que se viva un ambiente de traballo que sexa motivador.
III. Un Instituto que persiga a formación integral e o espírito crítico do alumnado e que atenda ás dimensións transversais da educación (Educación para a igualdade, a paz, a solidariedade, a tolerancia, a saúde, e o repecto ao medio ambiente).
IV. Un Instituto que imparta ensino entegrado no medio, en relación ás súas diferentes dimensións: social, lingüística, cultural, económica, etc,; e aos diferentes ámbitos: local, comarcal, autonómico, estatal, europeo, mundial.
V. Un Instituto que fomente a participación activa de todos os membros da comunidade educativa.

Estes principios educativos definen unhas liñas de traballo prioritarias que se poden sintetizar así:

a) A educación en valores como a solidariedade, a tolerancia, o respecto mutuo e o compromiso coa realidade tanto ntural como social.
b) A galeguización progresiva do ensino, tanto a nivel lingüístico como de contidos de aprendizaxe.
c) Unha educación para a saúde entendida en entido amplo (saúde persoal, física e mental, e saúde ambiental).
d) Unha educación cívica nos hábitos de debate e gtoma de decisións de repcto á discrepancia e de cumprimento das leis e normas democráticas.

1.2. Obxectivos educativos

1.2.1. Unha educación en valores:
Fomentar o asociacionesmo, a comunicación e a solidariedade, rompendo as dinámicas individualistas vixentes na sociedade actual.
Potenciar o respecto mutuo e a convivencia amigable
Desenvolver a educación e a convievencia nun marco de solidariedade, tolerancia e respecto á liberdade de cada cal e a súa personalidade, sen discriminación polas súas conviccións, condición social, sexo, raza, etc.
Involucrar á Comunidade Educativa no desenvolvemento afectivo, social, moral, intelectual e físico do alumnado.
Impulsar a realización de actividades extraescolares e complementarias en tempo non lectivo e fomentar a participación nelas.

1.2.2. Unha adecuación progresiva do encino á realidade socio-cultural.
Fomentar a galeguización progresiva do encino, observando o correcto cumprimento da legalidade no plano da Normalización lingüística.
Conseguir un mayor uso do galego nas diferentes materias, poniendo ao alcance do profesorado os medios necesarios.
Erradicar os prexuízos lingüísticos
Adecuar cada P.C.A. á realidade socio-cultural de Galicia.

1.2.3. Unha educación para a saúde.
Comprometerse no coidado do medio ambiente, facendo propostas e actividades encamiñadas a esta finalidade.
Cumprir a lexislación vixente en materia de consumo de tabaco.
Fomentar hábitos de hixiene.

1.2.4. Unha educación cívica
Conseguir un entorno menos agresivo, realizando unha forte campaña de limpeza e coidado do material público.
Participar no mantemento limpo e coidado do Instituto.
Evitar que os problemas de disciplina interfiran no aproveitamento das clases e no curso normal das actividades do centro, aplicando un control rigoroso das ormas de convivencia.
Lograr que os/as membros da comunidade educativa asuman a necesidade de repectar as normas coas que o Centro se dota para a consecución dos seus obxectivos.
Inculcar no alumnado a necesidade de manter un comportamento cívico correcto no seu ámbito de relación social.

1.2.5. Unha mellora na calidade dos procesos de encino e aprendizaxe:
Coñecer e utilizar con aproveitamento as instalacións e recursos didácticos do Centro.
Formar ao alumnado nunha oferta cultural variada e complexa, apoiando o asociacionismo no Instituto, e mesmo a colaboración co Concello e con agrupación culturais do entorno, de cara a ampliar as perspectivas e alternativas forra do horario lectivo.
Favorecer a participación do profesorado e damais membros da comunidade escolar en actividades de formación permanente.
Propiciar o funcionamento, dentro do profesorado, de grupos de traballo, tanto de seminario como interdisciplinares.
Fomentar o hábito lector, desde o pracer da lectura, como vía para o desenvolvemento da imaxinación e a formación.
1.2.6. O fomento do diálogo, a comunicación e a participación:
Concienciar ao alumnado da importancia da función que teñen os seus representantes para conseguir unha comunicación fluída entre todos os estamentos da Comunidade Educativa.
Realzar a función do profesor/a titor/a dotanto á titoría dos medios necesarios para o desenvolvemento do seu labor.

2. Obxectivos da aprendizaxe.

2.1. Introducción
A posta en marcha da LOGSE configura o sistema educativo español de acordo cos principios e valores emanados da Constitución; tal como se expresa no artigo 1 do Título Preliminar da devandita lei, o proceso educativo debe ter como fin harmonizar a adquisición de coñecementos, hábitos intelectuais e técnicas de traballo, co desenvolvemento pleno da personalidade do alumno/a; así como garantir a súa formación no respecto ós principios democráticos de convivencia (dereitos e liberdades fundamentais, exercicio da tolerancia e da liberdade, etc...).
En consecuencia establécense dúas dimensións no proceso de ensino-aprendizaxe...
a) Dimensión instructiva. A través da que se prentende que o alumnado adquira unha serie de coñecementos do patrimonio cultural, científico e tecnolóxico.
b) Dimensión formativa. A través da que se pretende o desenvolvemento pleno da súa personalidade co fin de garantir a súa integración como suxeito autónomo crítico e activo na sociedade que o rodea.
Para falar duna concepción globalizadora do proceso educativo como sinala o espírito da reforma os obxectivos de ensino-aprendizaxe deben abarcar estes dous ámbitos de actuación.
Para avalia-los mesmos recolléronse datos tanto das enquisas realizadas entre os diversos axentes da comunidade educativa como datos referidos ós resultados académicos obtidos no curso 96/97. Con estas enquisas preténdese, por unha banda, indagar cales son os obxectivos de alumnos/as e profesores/as respecto ó proceso de ensino-aprendizaxe e a súa correspondencia cos resultados académicos cifrados; e por outra, se estes obxectivos son coincidentes cos da Reforma tendo en conta a súa inmediata implantación no Centro.
Á vista dos resultados das enquisas, consideramos oportunas as seguintes:

2.2. Propostas
Para cumprir cos fins educativos sinalados na LOGSE como o desenvolvemento integral da personalidade do alumno/a, formación personalizada, fomento de hábitos de comportamento democráticos, desenvolvemento duna metodoloxía activa que asegure a participación do alumnado nos procesos de ensino aprendizaxe,... etc, convén ter en conta un conxunto de principios didácticos que servirán para o desenvolvemento deste proceso.

2.2.1. principio de globalización, que sopón que o ensino se organice en torno a núcleos temáticos que permitan acadar ter unha visión de conxunto dos contidos de aprendizaxe. A este respecto conviría fomentar un tratamento interdisciplinario entre as diversas materias do currículo; así como a coordinación dos distintos departamentos.
2.2.2. principio de autonomía, que significa a preparación do alumnado para aprender por si mesmo. A este respecto conviría non reducir o proceso de ensino-aprendizaxe á transmisión de contidos conceptuais senón tamén adquiri habilidades e estratexias de carácter procedemental (contidos procedementais)
2.2.3. principio de actividade, fai referencia a que o aluno/a sexa considerado como un suxeito activo que constrúe o seu propio coñecemento, doque se deriva a potenciación duna actitude crítico-reflexia acerca da realidade do seu entorno (contidos atitudinais).
2.2.4. principio de individualización, fai referencia a que o proceso de ensino-aprendizaxe se adecúe ás características concretas de cada alumno/a, o que implica ter que diversificar as actividades en función dos diferentes ritmos de aprendizaxe (realizar unha avaliación inicial que permita coñecer o nivel de desenvolvemento do alumno/a e os seus coñecementos previos, agrupamento flexibles dentro da aula, atención ás necesidades educativas do alumnado...)
2.2.5. principio de socialización, fai referencia a que o proceso de ensio-aprendizaxe se desenvolva dentro dun contexto de interacción social, onde se produce un inercambio de información e experiencias que permiten a confrontación de ideas, de diferentes puntos de vista. Isto implica o uso de metodoloxías cooperativas que fomente o traballo en greupo, favorezan a participación do alumnado, que promovan o proceso de socialización reforzando así contidos actitudinais (tolerancia, repecto ás diferencias, respecto ós valores democráticos...)
2.2.6. principio de creatividade, fai referencia a que dende o proceso de ensino-aprendizaxe debe formentarse o desenvolvemento de capacidades creativas do alumnado (orixinalidade de ideas, actitude interrogativa, curiosidade...). Isto presupón unha flexibilidade no tratamento dos contidos do currículo.

2.3. Avaliación
En consecuencia a avaliación do proceso de aprendizaxe do alumnado debe:
Ter un carácter integral (que abarque non só coñecementos, senón destrezas, procedemeentos adquiridos, valores, normas,...)
Ser un proceso de avaliación continua (presente ó longo de todo o proceso de ensino-aprendizaxe) o que supón o desenvolvemento duna avaliación inicial, procesual e final.
Ter un carácter formativo, que teña como obxectivo mellorar o proceso de ensino-aprendizaxe e servir de base para a toma de decisións curriculares.

REGULAMENTO DE RÉXIME INTERIOR:

1 . Aspectos prácticos da organización da participación de tódolos membros da comunidade educativa
2. Normas de convivencia que favorezan as relación entre os membros
2.1. Faltas de asistencia
3. Actividades complementarias e extraescolares
4. Titorias
5. Asignación de responsabilidades non definidas na normativa vixente
6. Organización do uso dos espacios e instalacións do centro
7. Cambios de horas de clase
8. Retrasos
9. Integración do alumnado con Necesidades educativas especiais

1 . Aspectos prácticos da organización da participación de tódolos membros da comunidade educativa

No referente á participación dos distintos estamentos na organización da vida escolar, os titores e titoras adicarán prte de alomenos unha das súas clases cada mes, e a petición do alumnado da súa titoría, a tratar asuntos relativos á marcha das clases ou calquera outro de relevancia para o desenvolvemento da actividade educativa no centro ou dentro do grupo. Así mesmo daranse os oportunos permisos para que os delegados e delegadas dos grupos asistan ás reunións da Xunta de Delegados e a outras ás que puidesen ser convocados polos representates do alumnado no Consello Escolar, por algún membro do equipo directivo, etc. A participación dos pais e nais, do profesorado e do persoal subalterno farase a través do Consello Escolar de acordo co establecido na lexislación vixente.

2. Normas de convivencia que favorezan as relación entre os membros

As normas de convivencia, así coma os actos que poden ser considerados contrarios a elas, están recollidos no vixente Decreto de Dereitos e Deberes do Alumnado, para a súa mellor aplicación este Regulamento establece o seguinte procedemento:

As conductas contrarias á convivencia (faltas de puntualidade, actitudes perturbadoras do normal desenvolvemento das clases, etc) serán corrixidas en primeira instancia polo profesor ou profera da materia, quen ante a reiteración das mesmas porá os feitos en coñecemento da Xefatura de Estudios.

O cargo Directivo de garda anoestará ó alumno ou alumna, e deixará constancia do feito e da corrección aplicada, tras o que o/a alumno/alumna volverá á clase.

Cando un alumno ou alumna sexa enviado ante o Cargo Directivo de garda por segunda vez, a súa conducta será considerada contraria ás normas de convivencia, e seralle imposta a prohibición de asistencia ó Centro por un período de 1 á 3 días, segundo acorden o profesor/a, o titor/a e o equipo directivo.

A reincidencia nestas conductas contrarias á convivencia, ou a comisión de actos gravemente prexudiciais para a mesma, serán levadas ante a Comisión de convivencia ou ante o Consello Escolar.

2.1. Faltas de asistencia.

As profesoras/es teñen a obriga de pasar lista nas súas clases e anotar as faltas das alumnas/os nos partes de falta, para que as titoras/es poidan controlalas e comunicárllelas ós pais ou titores.

No caso de que os alumnos/as cheguen ó número de faltas que se determinan a continuación serán sancionados cun apercibimento escrito que constará no seu expediente:

Materias de 2 horas semanais................. 4 faltas
Materias de 3 horas semanais................. 6 faltas
Materias de 4 horas semanais................. 8 faltas

No caso de que os alumnos/as cheguen ó número de faltas que se determinan a continuación serán sancionados coa perda do dereito á avaliación continua, e examinaranse da proba extraordinaria que a tal efecto realizará cada Departamento Didáctico
Materias de 2 horas semanais................. 6 faltas
Materias de 3 horas semanais................. 9 faltas
Materias de 4 horas semanais................. 12 faltas

As alumnas/os deberán xustificar as súas faltas de asistencia en canto reinicien a asitencia ás clases. Recoñeceranse só como xustificants os de carácter médico. En calquera outro tipo de xustificación, serán os propios pais ou titores da alumna/o quen, persoalmente, ou, no seu defecto, por escrito xustificarán a non asistencia. A validez desta última será valorada polo titor/a quen poderá aceptala ou non.

3. Actividades complementarias e extraescolares

Tódalas actividade complementarias e extraescolares do centro estarán coordinadas pola vicedirección para tratar de acadar a mellor planificación posible e para establecer unha rutina que faga cada vez máis sinxela a súa programación e desenvolvemento. Estas actividades poderán ser propostas polo Claustro, polos Departamentos Didácticos, polos representantes dos pais e nais ou polos do alumnado, e a Vicedirección encargarase de facer unha valoración dos resultados que, entre outros fins, deberá axudar a decidir a conveniencia de repetir ou non unha determinada actividade, de modificar en parte o seu enfoque ou o seu contido, etc.

4. Titorias

Para un mellor desenvolvemento da función titorial, os pais, nais ou titores que desexen entrevistarse co titor ou titora do su fillo/filla comunicarán a súa intención cunha antelación de alomenos dous días para que o titor ou titora corespondente poida recadar a máis completa información posible dos demais membros da xunta de Avaliación.

Igualmente o/a titor/a procederá a explicar antes da elección de delegado/a as funcións que ten, así como a importancia que se dá a elección da/o delegada/o.

5. Asignación de responsabilidades non definidas na normativa vixente

5.1. Gardas

O profesorado de garda deberá procurar que as condicións de silencio e normalidade nos coredores se restablezan o mais axiña posible no período entre dúas clases intermedias así como despois de cada recreo para que as sesións seguintes poidan comezar sen atrancos de forma inmediata.
Mentres que o número de profesoras e profesoras de garda o permita, estes deben substituír ós compañeiros e compañeiras ausentes nas súas aulas, coidando de que o alumnado permaneza nelas e non perturbe o desenrolo das clases nas aulas adxacentes. En caso de que o número de profesores/as ausentes fose superior ó de profesores/as de garda, eses comunicarán tal circunstancia ó directivo de garda, quen adoptará as medias oportunas. Cada profesor ou profesora que substitúa a un compañeiro ou compañeira ausente debe así mesmo anotar as faltas dos alumnos/as e comunicarllas ó Xefe de Estudios.
As profesoras/es de garda terán que ocuparse, se procede, dos alumnos que saian dun exame antes da saída completa do curso, aínda que poderán, se o número é pequeño, deixalos aír ó patio.
Naquelas horas en que o reducido número de profesores e profesoras disponibles non permita asignarlles a un deles a garda de biblioteca, serán todos eles, de forma rotatoria, e dospois de verificar que a situación no Centro é de normalidade, os que desempeñen esa función.
Será función dos Profesores/as de garda acompañar ou buscar quen acompañe ó hospital a aqueles alumnos/as que sufran algún percance que necesite atención urxente.

5.2. Biblioteca

A biblioteca permanecerá aberta durante toda a xornada lectiva.

6. Organización do uso dos espacios e instalacións do centro

Aqueles profesores ou profesoras que así o desexen poderán programar exames ou calquera outra actividade docente polas tardes, se ben sería conveninte que o puxesen en coñecemento do equipo directivo para dar as oportunas instruccións ó persoal subalterno, ou, en todo caso, comunicalo con antelación a algún dos conserxes para que estes poidan modificar as súas quendas de traballo se fose necesario.

7. Cambios de horas de clase

O cambio de horas de clase terá como obxectivo permitir que os alumnos/as cheguen ás súas casas antes da hora habitual, dado o tardío da hora de saída, así como aliviar as tarefas dos profesores/as garda.
Estes cambios de hora, por tanto, terán as seguintes limitacións:
1º Non se poderá alterar o número de horas lectivas da semana (é dicir, non se poderá adiantar horas de clase duna semana para outra.)
2º Só se poderán adiantar primeiras ou últimas horas de clase, de tal modo que non se deixen horas libres nos horarios dos alumnos/as
3º Unha profesora/or que falte por calquera motivo poderáq recuperar algunha das horas perdidas (unicamente dentro do horario lectivo de cada grupo) dando clase na hora na que falte outro profesor. Será, por tnto unha excepción do apartado 1º.

8. Retrasos

Todos aqueles alumnos/as que por motivos razoados de transporte non poidan chegar á hora do comezo das clases, ou teñan ue saír antes da hora marcada, deberán xustificalo no momento do comezo das actividades académicas.

Considéranse a tódolos efectos como parte do Instituto aqueles lugares onde se realice calquera actividade programada polo Instituto e realizada por profesorado deste Centro con alumnado do mesmo (incluíndo o Pavillón Polideportivo, a Piscina, excursións, saídas, etc...)

9. Integración do alumnado con Necesidades educativas especiais

A principio do curso reuniránse as Xuntas da Avaliación daqueles grupos nos que haxa alumnado con necesidades educativas especiais, para determinar dentro do marco legal vixente, e co concurso do Departamento de Orientación Pedagóxica as acción encamiñadas a intgrar a eses alumnos/as

Igualmente se algún alumno/a sofre un percance ó longo do curso que lle impida seguir o normal desenvolvemento do Curso, actuarase segundo o aprtado anterior.

O titor/a porase en contacto co afectado/a para planificar as actividades que lle permitan seguir o desenrolo das clases, incluíndo traballos que se realicen na aula ou se manden especificamente para facer na casa e que se recollerán unha vez rematados.

Polo que atinxe ós exames, se a duración do percance ou enfemidade non permite a súa realización dentro do período da Avaliación, e co consello da titora/o e da Orientadora/o, se fose necesario, enviaríanselle á cas, hospital, etc., ben os propios exames ou traballos alternativos.