Desde o departamento de Coordinación de FCT(Formación en Centros de Traballo) do IES Xulián Magariños xestiónase desde o curso 2005-2006 unha bolsa de traballo para o seu alumnado do CF de Grao Superior de ASI.

Nun primeiro momento pensouse na posibilidade de colgar na web as ofertas de traballo das empresas e tamén os currículos do alumnado que xa rematou os estudos do ciclo. Esta idea foi descartada porque a experiencia demostrounos que as empresas prefiren que lle enviemos o alumnado xa preseleccionado en función do perfil que precisan para o posto que ofertan.

Porén o noso labor consiste en poñer en contacto as empresas cos antigos alumnos/as que cumpren nun principio cos requerimentos do posto.

O departamento de Coordinación de FCT mantén contacto permanente, incluso nos períodos vacacionais e fins de semana, coas empresas e o alumnado, tanto por e-mail coma por teléfono.

Tamén nos encargamos de informar o alumnado de becas, oposicións e calquera outras convocatorias de emprego público que se adapten os estudos que teñen rematado.

Os resultados son moi satisfactorios e desde aquí queremos darlle as grazas as empresas que colaboran connosco neste proxecto.

As empresas ou organismos que desexen participar na nosa bolsa de traballo deberán poñerse en contacto coa Coordinadora de FCT Mónica García Constenla, por calquera dos seguintes medios:

• no enderezo de correo electrónico asinegreira@yahoo.es
• ou ben no teléfono do instituto 981885349.