CAMPEONATO PROVINCIAL DE CROSS -  LUGO 2009. Tras as pertinentes fases comarcais (preparatoria e clasificatoria), celebrouse en Lugo o Campionato Provincial de Campo a Través, unha proba na que se reuniron os mellores atletas de toda a provincia. O campionato foi no parque anexo a Feira de Exposicións de Lugo, e disputouse nun circuíto prototipo perfecto para esta disciplina, é dicir, en herba con moito barro, con auga e cun día con moita auga e frío. Os resultados da Gándara foron excepcionais, cun total de 3 podios, sendo o mellor equipo en canto a resultados de toda a zona sur. No apartado individual, cabe destacar o subcampionato na categoría benxamín de BRUNO RODRÍGUEZ, un atleta que no seu primeiro ano no mundillo do atletismo está a destacar en cantas probas participa e que ten un excelente futuro neste deporte. Tamén destacaron nesta mesma categoría dúas clásicas da categoría de menores: Claudia Peña e Aldara Otero, cuarta e sétima na súa categoría respectivamente. Estas actuacións, xunto coas de Damián Méndez, Alex Díaz e Marta Martínez fixeron que o equipo de A Gándara  ocupara o terceiro posto, e polo tanto medalla de bronce na categoría de BENXAMÍN MIXTO, por detrás dos dous equipos de Franciscanos, o gran dominador na categoría de menores do atletismo provincial. O outro gran momento da xornada chegou ca magnífica actuación do equipo ALEVÍN FEMENINO, que acadou o SUBCAPEONATO PROVINCIAL, quedando a un só punto do gañador, o FEFEME TRIATLÓN, o que lles asegura o seu pase o Campionato Galego Escolar, onde estarán os 8 mellores equipos de Galicia. O equipo estivo formado por Alba Rodríguez, Saleta Fernández, Raquel Santos, Sonia Rodríguez e Denise Díaz, unha xeneración que ve recompensada desta maneira o magnífico traballo que fixeron o longo destes anos, e que esperemos que teña continuidade no futuro. O próximo fin de semana o equipo da Gándara atletismo estará en dous frontes: o Campionato Galego de Campo a Través federado en Ourense e nunha nova proba do Corre con Nós en Lugo.