O comedor escolar do concello de Ames é unha realidade municipal dende hai dous anos, cando o concello asumíu a súa xestión. Ata ese momento foi levado con moito esforzo por unha comisión de nais e pais, dependente da ANPA. A moderna concepción do actual sistema de funcionamento fai deste servizo un verdadeiro apoio para as familias que necesitan conciliar a vida laboral e familiar.

O comedor do CEIP Bispo Guerra Campos réxese polo Regulamento da Rede Municipal de Comedores Escolares do Concello de Ames. Na actualidade este Regulamento está en fase de modificación: o novo texto foi aprobado polo pleno do 30 de maio de 2006, e está sometido a alegacións ata o vindeiro 12 de xullo (máis información na páxina web do Concello).

Está aberta a preinscripción para o curso próximo. Ofrecense un máximo de 200 prazas, e o servizo realizaríase en dúas quendas de 100 escolares cada unha. O baremo de selección, en base á documentación que o xustifique, terá en conta:

• Situación de ocupación dos membros parentais.
• Situación Familiar.
• Situación económica.

O servizo de comedor escolar inclúe os seguintes servizos:

Servizo de comida, elaborada por persoal contratado polo Concello na cociña dispoñible no centro.

Servizo de Monitoras/es para o coidado e atención dos neno/as e para realizar actividades de lecer antes e despois das comidas, ata as 16:30.

Os menús son elaborados por técnicos competentes en materia de alimentación conforme a condicións dietéticas, sanitarias e hixiénicas adecuadas as esixencias dos usuarios. Os menús son repartidos semanalmente ós pais, e publicados na web do concello.

Tamén está dispoñible o servizo Bos días cole, destinado a atender ás familias que por motivos de traballo, deban deixar aos nenos antes do inicio do horario escolar.