Agora toca facer os nosos instrumentos, e a poder ser que soen, e... mellor aínda, que soen afinados!!!

Este é un traballo que imos facer en equipo, así que o primeiro paso que temos que facer é agruparnos 3 ou 4 compañeirxs para desenvolver o proxecto.

Unha vez feito o grupo deberiamos seguir os seguintes pasos:

1. Acordar a que familia vai pertencer o noso instrumento e afondar no coñecemento das características técnicas que teñen que ter ese tipo de instrumento.
2. Facer un primeiro borrador de como podería ser o noso proxecto. Poñédelle un nome que nos diga algo sobre os seus materiais e que sexa imaxinativo.
3. Elaborar unha listaxe de material necesario para a fabricación, ferramentas e procesos que se realizarán
4. Facer un esquema máis detallado do proxecto e presentalo ao mestre para que faga as súas achegas
5. Distribuír o traballo entre os membros do grupo. Procurade ser o máis coidadosos co voso traballo persoal, xa que vai influír no resultado de todo o grupo

Pois nada, a traballar a ver que orquestra somos quen de facer!