CEIP DE
CEDEIRA
(REDONDELA)
|
CEIP DE
CEDEIRA
(REDONDELA) |
||||||||
| Principal | Datos do Colexio | Actividades | Experiencias | Investigación | Creacións | Comenius | O contorno | Novas |
As clases de Música
lévanse a cabo nunha aula insonorizada na que se diferencian dúas partes: unha
con instrumentos de percusión Orff destinada á práctica instrumental, á
linguaxe Musical e á audición; e outra totalmente libre de mobiliario
destinada ó movemento, á danza e á expresión corporal.
Nas clases de Música, ademais de iniciar ós nosos alumnos na lecto-escritura musical, pretendemos que xoguen a ser músicos desenvolvendo deste xeito as súas aptitudes a partir da actividade musical.
Outros recursos que empregamos son a frauta como instrumento persoal que
utilizan tamén na casa, audicións, discriminación auditiva e a canción como
globalización de tódolos elementos musicais.
Os nenos e nenas completan a súa formación musical coa experiencia que supón mostrar o seu traballo ó público no festival das Letras Galegas, participando activamente con melodías e cantigas populares, no festival de Nadal con panxoliñas, e noutras celebracións e festas tradicionais coma o magosto, o Día da Paz, etc...