CEIP DE CEDEIRA  (REDONDELA)
Principal	Datos do Colexio	Actividades	Experiencias	Investigación	Creacións	Comenius	O contorno	Novas

EXPERIENCIAS

Este mes propoñémosvos facer receitas propias do outono, como non, con castañas.

Ánimo e a experimentar...

Debemos contar cos seguintes ingredientes:

1 quilo de castañas, 300 gramos de chocolate, 200 gramos de azucre, 200 gramos de manteiga, améndoas, avelás ou noces, fiuncho e loureiro.

Paso 1: Mondamos as castañas e cocémolas con fiuncho e loureiro.

Paso 2: Quitámoslle a pel interior e esmagámolas.

Paso 3: Botámoslle manteiga e azucre. Logo mesturamos todo.

Paso 4: Engadimos chocolate e améndoas.

Paso 5: Botamos todo no molde e metémolo no conxelador ata que se poña duro.

Paso 6: Poñémoslle enriba abelás, noces, nata,…

Podemos facelo de varios xeitos:

Cocemos as castañas con sal. Logo sacamoslle a auga e pasámolas polo pasapuré. Botámoslle leite e logo cocémolo uns minutos.

Outro xeito é cocer as castañas mondadas con leite. Logo, xa sen auga, pasámolas polo pasapuré, engadíndolles unha culleriña de manteiga, sal e unha culler de azucre.

Ingredientes: medio cento de castañas, tres culleres de manteiga, media libra de azucre e catro xemas de ovo.

Ásanse as castañas e esmáganse. Engádense manteiga, azucre e as xemas de ovo. Ponse ao lume tendo conta de que non se queime. Unha vez que ferveu uns minutos, cóase. É para tomar fría.