CEIP DE CEDEIRA  (REDONDELA)
Principal	Datos do Colexio	Actividades	Experiencias	Investigación	Creacións	Comenius	O contorno	Novas

CANDO O MAR SE VESTÍU DE LOITO

Érase unha vez un país chamado Galicia. Un país asomado ó mar. Un mar azul, profundo, inmenso, de augas claras, onde vivían, felices, os habitantes das profundidades mariñas: os polbos xigantes, as pescadas atrevidas, os tímidos cangrexos, os feros tabeiróns, as baleas xigantes…e milleiros e milleiros de preciosos peixes.

 (Música. Baile dos peixes. 1º e 2º).

 Nas costas daquel país traballaban sen cansarse as mulleres e os homes do mar. Cada día, saían cos seus apeiros, a recoller os froitos da marea: as ameixas, as navallas, os croques, os mexilóns… As veces, atopaban preciosas estrelas de mar, e cunchas, e caracolas, que recollían para adornar as paredes das súas casas.

(Música. Saen mariñeiros e mariñeiras. Infantil).

Pero un día… Un barco grande, vello, cargado dunha substancia negra, pegañenta, fea…¡O PETROLEO!, chegou ás nosas costas. De tan vello que era, o barco rachou. E aquela substancia esparciuse polas nosas augas.  Aquel mar tan azul, limpo e claro, voltouse negro e pegañento.

(Música tráxica. Sae a marea negra. 3º, 4º e 6º).

 Aquela marea negra achegouse ata as costas, manchou as rochas, a branca area das praias, as corredoiras…Os habitantes das vilas mariñeiras non podían crer o que vían: milleiros de peixes mortos polo petroleo, paxaros apresados polo fuel, sen poder voar, as augas densas e negras…Toda Galicia estaba de loito.

(Música fúnebre).

Pero… outra marea chegou despois da marea negra. Milleiros de persoas que, desafiando ó temporal, á chuvia, ós ventos, ó frío, chegaron de todas partes de España e doutros países para axudar a recuperar o noso mar: eran os voluntarios e as voluntarias. Todos eles, xunto coas xentes de Galicia, traballaron e traballaron para que o mar volvese a ser azul.

(Música. Saen voluntarios e voluntarias. 5º).

E aínda seguen a traballar:

Para que nunca máis volva a haber outra marea negra.

Porque non queren que morran os peixes nin as aves.

 Non queren que os mariñeiros teñan que deixar o seu traballo.

Queremos un mar como é o noso: azul, inmenso, profundo, de augas claras, no que os nenos e nenas poidan disfrutar e ser felices.

E colorín, colorado, este conto aínda non está rematado.

(Música de entroido).