A historia da aula deste Centro é bastante recente. Empeza no 1º trimestre do curso 2.000/2.001 cando eu cheguei aquí coma provisional. Con moita ilusión e poucos medios comezamos a partir da nada, con 4 vellos aparellos (286, 386 e 486) e programiñas cativos baseados en MS-DOS (nada de Windows).

Hoxe en día contamos cunha aula de informática bastante xeitosa, con 9 equipos bastante decentes (pentium 4, pentium 3 e K6 2), sitema operativo Windows 98, aplicacións para Windows, conexións en rede e Internet en tódolos equipos, impresora en cor e escáner. Todo iso posible gracias a aportacións da Xunta, da ANPA e do propio Centro. Isto en canto a infraestructuras.

En canto á organización, levamos ó aula a grupos de rapaces desde 1º a 6º dependendo d@ seu/úa titor/a (cada titor/a reserva hora e van só os que queren) para traballar contidos de lingua, matemáticas ou coñecemento principalmente.

Temos feito un índice cuns breves resumos dos contidos e características das aplicacións dispoñibles que pasamos a cada un dos titores para que vexan o que hai dipoñible.

Agora que temos acceso a Internet desde a aula, estamos pensando en aproveitar esa infraestructura para realizar outro tipo de actidades coma poideran ser foros de debate, chat, webs educativas, programas de intercambio de experiencias, etc. Se alguén dos que está lendo isto ten algunha experiencia neste sentido, rogámolle que nos escriba para informarnos dela e orientarnos un pouco.

AGOSTO DE 2005 -> INTRANET EDUCATIVA

Gracias á inestimable colaboración de José Manuel Bouzán, do C.E.I.P. de Palmeira traballei durante estos meses de verán para montar unha Intranet no noso centro. Instalei o sistema operativo Linux nun ordenador da aula de informática e configurei un servidor Apache II e un servidor Samba para poder dispoñer de programas educativos en calquera ordenador conectado á nosa rede local sen necesidade de instalalos en cada ordenador individualmente. Consiste en crear un conxunto de páxinas web cunha serie de enlaces ós programas educativos que previamente se instalaron no servidor. Desta maneira é moi fácil o mantemento e a actualización cando se dispón de novos programas, pois só hai que instalalos no servidor, crear uns enlaces nas páxinas web e xa están dispoñibles para todo o centro. Os demáis ordenadores da aula funcionan como terminales tontos que só necesitan ter instalado o sistema operativo e un navegador; desta forma simplifícase tamén sobremaneira o mantemento dos mesmos. Aquí tedes unha imaxe da páxina de inicio da intranet para facervos unha idea:

Se alguén está interesado en crear unha para o seu centro, que me escriba e orientareille no que boamente poida. Seguimos traballando pola modernización do ensino en Galicia.

---------- * ----------