O noso centro atópase situado no concello de Cambre, na parroquia de O Temple, a única parroquia costeira do concello , xa que está ubicada a carón da Ría do Burgo. Está encadrado, polo tanto, na área metropolitana da cidade de A Coruña. Está comunicada coa cidade( a 8 km.) por unha autoestrada e unha estrada nacional. É obvio que esta circunstancia condiciona en gran medida a súa densidade de poboación - a máis elevada do concello-, a idade media da mesma - ó redor dos 36 anos- e as características socio-económicas da mesma - clase media e  cada vez cunha  maior porcentaxe de poboación inmigrante-.