CURSO 2008/2009

SOMOS

ARTISTAS

O proxecto estrela deste ano é a elaboración dun castelo con materiais de refugallo, no que participan todos os alumnos de educación infantil. Primeiro falamos das personaxes dos castelos, logo clasificamos os bricks por tamaños axudamos a pegalos, forrámolos con papel e pintamos as paredes. Os de 4 anos pintan a paisaxe e os de 5 crean os personaxes .

O OUTONO

Cando comezou o outono e despois de falar na clase, saímos ó campiño que hai detrás do colexio para observar as características principais da estación:

Miramos como as árbores quedaban espidas. Observamos a alfombra do chan: verde amarela e marrón. Recollemos froitos: mazás, peras, castañas…descubrimos o que había dentro dos ourizos. E collemos folliñas de moitos tipos para logo facer traballos na aula con elas.

A VENDIMA

 Preparámonos para facer a nosa vendima:

Lavamos ben as mans, remangámonos e puxemos mans á obra.

Para ambientarnos no tema, previamente decoramos a aula e os corredores.

E logo pintamos as folliñas da parra e fixemos unha coroa, que puxemos moi contentos.

O primeiro que fixemos foi lavar as uvas e clasificalas por cores: as verdes por un lado e as moradas por outro.

Despois separamos os bagos  dos rabiños con moito coidado.

A continuación apretamos moi forte as uvas ata que saíu zume. Custounos un pouco porque estaban duras, sobre todo as moradas.

Cando conseguimos moito zume, coámolo para separar os pelexos, e observamos a diferenza dos zumes segundo a cor das uvas.

Por último, probámolo!!

Estaba  moi bo. Á maioría gustounos máis o da uva verde, porque era máis doce, pero non quedou nada

SAMAÍN

Contamos a tradición, decoramos cabazas e vaciámolas. Tamén cantamos cancións como a dos esqueletos e o reloxo.

TRABALLANDO

COS

 MAIORES

Os maiores tamén veñen traballar connosco, axudáronnos moito no nadal: escribimos a carta de papá noel e fixemos postais para as nosas familias.

PEQUENOS

XORNALISTAS

De momento non sabemos escribir, pero comezamos a traballar co xornal de xeito lúdico e divertido.

TRABALLANDO

COAS

FAMILIAS

Seguimos traballando coas familias na medida das súas posibilidades. Gústanos moito cando mamá ou papá veñen vernos á clase.

O MILLO

Outro froito típico do outono é o millo. Un día apareceron na clase unhas mazarocas. Poucos nenos sabían o que era, entón esfollamos e descubrimos o millo.

Debullamos as mazarocas.

Usamos medidas de capacidade: o ferrado e o medio ferrado.

Pero, cánto pesa un ferrado? E o medio ferrado? Máis ou menos ca un de nós?

XOGAR

A

PENSAR

Aproveitando os momentos de pensar elaboramos o calendario deste ano coas normas do curso, costou moito pensar as normas, as posición das fotos…pero quedou moi bonito.

PRANTAMOS

Observando no patio de recreo a qué xogaban os nenos, vin que un dos seus xogos preferidos era plantar. Plantan calquera cousa, follas, pauciños flores… entón decidín traer uns bulbos e uns tarriños de barro e plantar flores de inverno.

Primeiro decoramos as macetas. Puxemos o bulbo. Enchemos de terra. Regamos. Despois puxémolas na ventá para que lles dera o sol.cada certo tempo, había que regalas.

Ata que  por fin comezaron a nacer as flores.

Qué ben ulen!!!

E qué bonitas son.

Temos que seguir coidándoas

SOMOS DEMÓCRATAS

Pouco a pouco descubrimos as regras da democracia, aínda que non sabemos o que é iso. De volta de Suecia a mestra trouxo uns renos de regalo para as clases, non podiamos quedar con todos, polo que houbo que votar o que preferimos. Acatamos a maioría sen problemas

SOLTA DE AVES

Un día a consellería de medio ambiente propúxonos facer unha solta de aves na nosa escola. Eran aves feridas que recuperaron no centro de recuperación de aves.

Mandáronnos información sobre as dúas aves: cárabo e ratonero común, e traballamos sobre ela.

Comparamos o noso tamaño co das aves.

Comparamos as dúas aves entre si.

CURSO 2007/2008

SOMOS

ARTISTAS

• LUGRÍS: este curso pensamos dirixir os proxectos de arte haca artistas Galegos, nesta liña o primeiro foi Urbano Lugrís, unha figura que encandilou a todos e da que se fixeron traballos moi interesantes.

• PICASSO:Continuando co proxecto iniciado o curso pasado e dado que tivo lugar na Coruña unha exposición sobre retratos femininos de Picasso, este ano volvimos a recuperar esta interesantísima figura do arte para os nenos/as co título: Picasso e as súas musas.

• LAXEIRO: outro interesante artista que a pesares da súa complexidade chamou moito a atención dos pequenos. Como remate tamén visitamos a súa exposición na Fundación Barrié.

O

PROTAGONISTA

DA

SEMANA

Un dos proxectos que máis ilusionou ós alumnos foi este, no que cada semana un deles nos contaba todo sobre a súa persoa: Nome, dirección, medidas, amigos, soños, familias…

COAS MANS

NA MASA

Gustounos tanto o traballo feito o outro curso que este ano continuamos na mesma liña, eso sí axudados polas súas familias que viñan botarnos unha man para elaborar as nosas receitas.

PEQUENOS

XORNALISTAS

Encántanos traballar co xornal na aula: buscamos noticias, recortámolas, redactámolas á nosa maneira e xogamos.

TRABALLANDO

COAS

FAMILIAS

Engarzando co proxecto anterior xurdiu estoutro, no que as familias dos nenos protagonistas que queren e poden, veñen  visitarnos á clase: a contarnos cousas sobre o seu traballo, axudarnos a cociñar ou simplemente ler contos.

O

SORRISO

DE

CLAUDIA

Aproveitando que limos o conto de Rivadulla Corcón e que él veunos visitar, fixemos un conto móbil con Claudia e os seus amigos e redactado por todos nós.

XOGAR

A

PENSAR

A partires do conto da xoaniña Fina, comezamos a pensar, investigar, deducir, plantexar hipótesis e sacar colclusións. Un ejemplo deste traballo: a orixe dos nomes, as disolucións…

CURSO 2006/2007

OS NÚMEROS

DA MIÑA VIDA

Traballamos cos números partindo daqueles que están presentes na vida cotiá: medida, peso, talla, dirección, teléfono, matrícula…para que os nenos poidan apreciar a importancia dos mesmos.

SOMOS

ARTISTAS

• “Somos MIRÓ”: A partires da observación de varias obras de Joan Miró, e debido á fascinación que o seu brillante e vistoso colorido espertou nos pequenos, comezamos este proxecto que serviu como punto de partida para inicialos no mundo da arte.
• “Somos PICASSO”: Tras o éxito acadado coa obra de Joan Miró e aproveitando a celebración do Día da Paz , partindo do cadro “El niño y la paloma” desenrolamos o proxecto sobre o xenial autor malagueño.
• “Somos Cavernícolas”. Estudiamos a Miró; estudiamos a Picasso, pero…¿como xurdiron os primeiros artistas? Esta pregunta levounos a considerar a posibilidade de emular aos primeiros pintores: os cavernícolas.  E, coma eles, optamos por utilizar  materiais directamente sacados da Natureza, coma o barro.

MOZART

UN XENIO INOLVIDABLE

A través deste proxecto pretendemos que os nenos se acheguen e aprecien a música clásica dun modo lúdico e ameno. Para isto partimos da ópera  “ A frauta máxica” de Mozart, coñecendo: a biografía do autor, os personaxes que interveñen na ópera, os instrumentos… Salientar que a parte da ópera adicada á Raíña da Noite resultoulles especialmente motivadora.

COAS MANS

NA MASA

Un novo xeito de aprender a ler e escribir a través das receitas da avoa. O mesmo tempo é unha boa forma de traballa-las matemáticas: cantidade, secuenciación, volume, medidas de capacidade, e sobretodo os sentidos.

PEQUENOS

XORNALISTAS

Como traballar co xornal na aula e facer dos pequenos uns grandes xornalistas, tanto contando e redactando as novas dos xornais, como as súas vivencias persoais ou inventadas

 ANIMALANDIA

O  proxecto que tódolos nenos adoran: os animais; dun xeito lúdico e sumamente divertido aprendemos moitas cousas dos animais: como viven, reprodúcense e nacen, a que velocidade andan ou que grandes son, o que comen ... Mesmo fixemos puzzles de animais e visitamos o parque de Marcelle que nos serviu de base do proxecto.

TRADICIÓN

E IMAXINACIÓN

 Tradición:    Por último unha gran idea: “o libro viaxeiro das familias”; cada día un neno leva un maletín á casa que ten que estar de volta ó día seguinte; nel , a súa familia escribe un conto, lenda, canción, adiviña poesía ou refrán en galego, que o neno interpreta diante dos seus compañeiros sentíndose o protagonista da aula. Comeza o libro a mestra. Ó final fixemos un libro de recordo para todos que eles mesmos paxinaron e decoraron.

Imaxinación: Invención  de contos individuais partindo duns principios e finais de contos tradicionais, con todos facemos un libro de contos

O NOSO CORPO

A través das medidas persoais: peso, talla, altura, nº pé, etc traballamos o corpo humano, mesmo trouxemos un esqueleto para a clase e con el xogamos e estudiamos os ósos do corpo