|
|
|
 plan
PROA | |
|
A
Consellería de Educación e Ordenación
Universitaria
vén
de concedernos para o presente curso a
participación do noso colexio por
segundo ano no Plan
PROA, (Programa de Reforzo, Orientación e
Apoio).
Este é un
programa que se vén desenvolvendo desde
o curso 2005-06 en colaboración co
Ministerio
de Educación e Ciencia.
O programa está dirixido ao
alumnado do
último ciclo de educación
primaria e nel participarán máis de vinte nenos e nenas.
As características
máis salientables deste Plan son as seguintes:
-
É unha acción
dirixida ao alumnado que presenta
dificultades relacionadas coa ausencia de
hábitos de traballo, escaseza de motivación,
atraso no proceso de maduración persoal,
pobre integración no grupo e no centro,
aprendizaxe deficiente das áreas
instrumentais e que por diversos motivos
(por exemplo, laborais) non pode recibir o
apoio e reforzo que precisa no seo da súa
familia; aínda que exista a vontade de
facilitar esta axuda.
-
Pretende
reforzar as competencias básicas, mellorar
as habilidades e actitudes asociadas á
lectura, reforzar a adquisición de hábitos
de organización e constancia no traballo,
alentar ao estudio e propoñer formas de
traballo eficaces.
-
Cada grupo
estará ao cargo dun profesor ou profesora,
que realizará o acompañamento fóra do
horario lectivo do centro, dous días na
semana, en módulos de dúas horas. Unha
profesora do centro desenvolverá labores de
coordinación entre as partes: profesorado
titor, alumnado, familias,...
-
As familias
deben dar o seu consentimento por escrito á
participación dos seus fillos e fillas no
programa, considerándose a asistencia e
permanencia, dalgunha maneira, como un
compromiso en firme, do que en gran medida
vai depender o éxito do programa. Así mesmo,
deben comprometerse no apoio e motivación ás
actividades que se desenvolven no programa
durante a duración do mesmo.
|
