Rosalía
Mér, 24/02/2021 - 08:33 — profes
24F. NACEU ROSALÍA
Hoxe é un día de festa no que celebramos o nacemento de Rosalía.
Na nosa escola a súa figura está presente durante todo o curso. Axúdanos a descubrir a maxia da poesía, o orgullo da nosa milenaria lingua, ou o valioso ideario da igualdade.
Rosalía nun tempo escuro e difícil abreu portas que deixaron entrar luz e aire fresco.
No século XXI a súa obra segue sinalándonos a senda pola que temos que camiñar buscando xustiza e dignidade.
A HORTA DE RAIOLA
Lun, 22/02/2021 - 11:57 — profes
O inverno está rematando...
Na escola comezamos a traballar a nosa hortiña e seguimos a plantar árbores.
Os nosos patios están vivos
Ven, 19/02/2021 - 12:18 — profes
Durante este curso acometemos melloras nos espazos exteriores da escola da man de PATIOS VIVOS MIUDIÑO.
Co seu asesoramento optamos por distribuír distintos elementos, uns fixos e outros móbiles, no patio de area e nas zonas verdes das que dispoñemos.
Estamos seguros de que esta colaboración entre Miudiño Coop. Galega e Raiola dará moitas horas de marabillosos xogos e de experiencias educativas, coma as que nestes días nos permiten recitar versiños de Rosalía mentres nos achegamos ao seu aniversario.
ENTROIDO 2021
Xov, 11/02/2021 - 08:33 — profes
Que festa tan divertida é o Entroido.
Os nosos deseños son proba de que o vivimos con intensidade.
Viva o Entroido!!
A Paz é o camiño
Mar, 02/02/2021 - 08:34 — profes
A SAÚDE E A PAZ
Para celebrar o Día da Paz cun ánimo irrenunciablemente reivindicativo queremos dirixir a nosa ollada á saúde colectiva.
O sistema público de saúde foi minguando nos últimos tempos, pero aínda ferido, salvou e salva milleiros de vidas.
Que paz poderiamos ter este 30 de xaneiro se non puidesemos ír aos centros de saúde e hospitais públicos?
Cantas persoas morreriamos se tivesemos que afrontar con medios propios os coidados necesarios para superar todo tipo de enfermedades?
A sanidade pública fortalece a paz, e a súa defensa é a nosa obriga. Temos que preservar este dereito para nós e para as nenas e menos que aínda non poden reclamalo.
A saúde como dereito e a paz camiñan xuntas.
30 de xaneiro, Día da Paz.
BONIFICACIÓN 100% 2º FILLOS/AS OU SUCESIVOS
Mar, 12/01/2021 - 18:05 — profes
SUBVENCIÓN FUNCIONAMENTO 2020
BONIFICACIÓN 100% 2º FILLOS/AS OU SUCESIVOS
MATRÍCULA E COTA DE ASISTENCIA.
Orde de 30 de decembro de 2019 pola que se regulan as bases que rexirán o procedemento de concesión de axudas para o funcionamento das escolas infantís 0-3 dependentes de entidades privadas de iniciativa social para o ano 2020 (DOG 6 febreiro de 2020).
Orde de 27 de marzo de 2020 pola que se modifica a Orde de 30 de decembro de 2019 pola que se regulan as bases que rexirán o procedemento de concesión de axudas para o funcionamento das escolas infantís 0-3 dependentes de entidades privadas de iniciativa social para o ano 2020. (DOG 21 de abril de 2020).
Orde de 14 de agosto de 2020 pola que se modifica o procedemento de xustificación e o réxime de reintegro das subvencións concedidas pola Consellería de Política Social na anualidade 2020 a escolas infantís 0-3 e casas neno para o período de suspensión da actividade presencial como consecuencia da evolución da COVID-19.
|
FUNCIONAMENTO DA ESCOLA |
64.596,00 € |
|
BONIFICACIÓN DO 100% DO PREZO CORRESPONDENTE Á ATENCIÓN EDUCATIVA DENDE ABRIL DE 2020 A DECEMBRO 2020 |
21.866,16 € |
|
GRATUIDADE DE MATRÍCULA PRAZAS CURSO 2020/2021 |
1.600,00 € |
|
TOTAL: |
88.062,16 € |
RESERVA DE PRAZA 1º PRIMARIA
Sáb, 09/01/2021 - 11:40 — profes
1. Reserva de praza no centro de adscripción: do 11 de xaneiro ao 8 de febreiro
- Vale para os nenos de 6º de Infantil que rematan o 2º Ciclo de E. Infantil e pasan a 1º de E. Primaria no CEIP Lamas de Abade, o centro adscrito ao CPR Raiola. O formulario (para descargalo pincha aquí) entrégase no centro de orixe, é dicir, Raiola.
2. Data do sorteo público para efectos de desempate: última semana de febreiro e, en todo caso, antes do 1 de marzo.
3. Publicación de postos escolares vacantes: antes do 1 de marzo.
4. Presentación da solicitude de admisión: 1-20 de marzo.
5. Presentación da documentación acreditativa dos criterios de baremo: 10 días hábiles contados a partir dos 2 días seguintes ao remate do prazo para presentar as solicitudes de admisión.
6. Publicación das listaxes provisionais de persoas admitidas e non admitidas: antes do 25 de abril.
7. Publicación das listaxes definitivas de persoas admitidas e non admitidas: antes do 15 de maio.
8. Formalización da matrícula en educación infantil e primaria: 20-30 de xuño.
O Apalpador
Mar, 22/12/2020 - 12:16 — profes
Esta representación de Títeres Cachirulo é desternillante.
Os risos das nenas e nenos resultan impagables neste último día lectivo de 2020.
Rosalía e a súa estrela emociónannos
Xov, 17/12/2020 - 12:17 — profes
Dende fai un ano, no ceo loce unha estrela á que lle puxemos nome neste pequeno recuncho do mundo.
A estrela chámase Rosalía de Castro, e coa súa luz axúdanos a recordar a grandeza da nosa poeta.
Viva Rosalía!!!
Patios vivos
Mér, 16/12/2020 - 12:24 — profes
Instaláronse novos elementos de xogo no patio. Temos moitas gañas de desfrutalos... pero toca agardar a que a chuvia nos permita saír.
Feito con Drupal (ver. 5.7)
Proxecto Webs dinámicas© Xunta de Galicia - Consellería de Educación, 2010