Nadal 2020
Ven, 11/12/2020 - 12:33 — profes
Os peixiños buscaron unha estrela e cando a atoparon bailaron con Ela,...
Xesusiño está nas pallas
Chegou o Apalpador
Mér, 09/12/2020 - 11:32 — profes
Xa chegaron os Apalpadores aos nosos cadernos.
O Nadal está aquí!!
Nadal 2020
Lun, 30/11/2020 - 21:55 — profes
Xa é San Andrés e mañá comeza o mes de Nadal.
En Raiola imos afrontar con moita ilusión a actividade educativa neste último mes do ano.
O 2020 foi un período de tempo difícil que quedará na nosa memoria como unha constatación da fraxilidade da vida.
En setembro temíamos que unha nova onda da pandemia volvese a paralizar a actividade escolar. Con ledicia, hoxe, sabemos que ese era un medo infundado.
Con sentidiño e responsabilidade fixemos o noso traballo e agora preparámonos para rematar o trimestre desfrutando do tempo de Nadal.
Simulacro
Ven, 27/11/2020 - 21:56 — profes
Hoxe sorprendeunos o ruido da alarma de incendios. A pesar do desconcerto inicial, saímos tranquilos e de forma ordeada. Tratábase dun simulacro!
Despois Paz, especialista en prevención de riscos, explicounos como actuar nunha situación de emerxencia.
XOSÉ NEIRA VILAS ETERNAMENTE VIVO!!
Ven, 27/11/2020 - 19:58 — profes
Hoxe queremos recordar a Xosé Neira Vilas no quinto aniversario da súa morte.
Coas súas obras Espantallo Amigo e o Xardín de Irene comezamos a desfrutar do seu legado que está cheo de amor e humanidade.
Hai un furadiño no noso corazón para este autor do que aprendemos a vivir coa bandeira da xenerosidade ondeando ao vento.
Xosé Neira Vilas eternamente vivo!!
25N DÍA DE REIVINDICACIÓN E DE ESPERANZA
Mér, 25/11/2020 - 22:02 — profes
As mulleres que padecen a lacra da VIOLENCIA DE XÉNERO non están soas. Nós somos as e os seus valedores.
MAGOSTO 2020
Mér, 11/11/2020 - 13:57 — profes
O Magosto é a festa das castañas. Hoxe día de San Martiño é o seu día grande.
Crúas, cocidas, asadas ou cociñadas en guisos e sobremesas, as castañas son fartura.
Pola fame que evitaron noutros tempos e polo deliciosas e sas que son as castañas merecen ter unha festa propia.
Viva o Magosto!!!
CONTOS PARA O OUTONO
Mar, 10/11/2020 - 09:49 — profes
O GRÚFALO
No conto do GRÚFALO nós queremos ser o RATO.
Sendo pequeno e astuto o ratiño líbrase de que o papen o raposo, o moucho, a serpe e o papón do Grúfalo.
Na fraga esa tarde de outono o único que ceou a gusto, unha noz ben fermosa, foi o rato listeiro. Parabéns!
O Espantallo Amigo e Raiola
Xov, 24/09/2020 - 10:13 — profes
Xosé Neira Vilas escribiu unha fermosa noveliña chea de amor e amizade cun espantallo de protagonista.
Cando o outono chega, o Espantallo Amigo ven a Raiola para darnos o seu cariño e animarnos a ser boa xente como é el.
Feito con Drupal (ver. 5.7)
Proxecto Webs dinámicas© Xunta de Galicia - Consellería de Educación, 2010