Raiola utiliza o galego como lingua vehicular en todos os ámbitos do seu día a día: na aula, nas comunicacións coas familias, na documentación... Aposta por una defensa do tradicional, do autóctono e da nosa terra, que se ve refrexada en múltiples accións ao longo do curso: na música, nas lecturas, nas actividades, nos proxectos, nas celebracións...
Respéctanse os tempos de aprendizaxe de cada neno e nena, tanto no referente á consecución de obxectivos na aula, como á evolución psicomotriz de cada un deles. Algúns comezan a camiñar en Raiola, outros pronuncian aquí as súas primeiras palabras, dormen a sesta aqueles nenos e nenas que o precisan e o cueiro retírase cando están preparados/as para elo. Foméntase una aprendizaxe significativa baseada no xogo, buscando a motivación como motor para descubrir o noso entorno e avanzar pouco a pouco cara metas maiores. Sempre que sexa posible, trasladaremos as aulas ao exterior, pois a observación, a experimentación, e a manipulación directa do noso privilexiado entorno son a base para sustentar una aprendizaxe de calidade. Todo isto vai acompañado de numerosas actividades complementarias, que se poden levar a cabo tanto na escola, como con diferenes saídas ao longo do curso escolar: concertos, teatro, monicreques, contacontos, granxa-escola... A participación das familias é fundamental no noso centro, son só porque así o digan os Estatutos, senón porque a súa colaboración diaria fai que esta escola sexa o que é. Raiola está aberta a todo tipo de ideas, suxestión, aportacións, colaboracións... As familias, ben sexa facendo obradoiros, suxerindo actividades, acompañándonos nos diferentes eventos... colaboran a construír un espazo familiar ao que os seus fillos e fillas acoden de bo grado e onde se sinten seguros. As portas de Raiola están sempre abertas. Os pais e nais poden acompañar aos seus fillos/as ata as aulas. O respecto que as familias amosan polo traballo das profesionais, permite manter este costume que pretende evitar crear barreiras entre familias e mestras, entre casa e escola. |
Lun | Mar | Mér | Xov | Ven | Sáb | Dom |
---|---|---|---|---|---|---|
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |