|
A identificación
ou determinación dunha especie concreta que non coñecemos
é o proceso polo que podemos chegar a descubrir o seu
nome científico. Isto require que a especie esté
clasificada (sistemática) e nomeada (nomenclatura).
Polo tanto, non debemos confundir identificación (que
é o que facemos nós) con clasificación
(que ó o que fan os especialistas zoólogos,
botánicos, etc.)
As claves de identificación son un
método polo que mediante a elección sobre conxuntos
de caracteres contrastados ou contradictorios chegamos ata
o nome da especie que queremos identificar.
Hai claves xerais para a identificación
de especies de grandes grupos como o reino vexetal (extensas
e complexas), ou claves moi particulares para a identificación
de especies dun pequeno grupo taxonómico dunha zona
concreta, como por exemplo a clave de identificación
das coníferas dun determinado parque ou xardín.
As claves máis extendidas
son as dicotómicas, é dicir
nas que se presentan dous conxuntos de caracteres incompatibles.
Por exemplo pétalos amarelos ou pétalos brancos.
A elección dunha das dúas alternativas lévanos
a outra parella de caracteres ou ben ó nome da especie
ou calquera outro taxón.
Existen tamén outras claves
analíticas nas que se presentan conxuntos
de máis de dous caracteres, xeralmente para seleccionar
grandes grupos (policlaves).
Na actualidade tamén existen as claves
automáticas que mediante o uso dun programa
informático facilita a tarefa de identificación
dunha especie tratando de solventar os principais inconvenientes
que presentan as claves dicotómicas.
Exemplo de utilización.
Supoñamos un parque cunha serie de
árbores e queremos identificar un deles. Supoñamos
tamén que dispoñemos da seguinte clave dicotómica.
|
Clave
das árbores do Xardín |
| 1 |
a) Follas caiculares
b) Follas doutra forma |
Ir a 2
Ir a 5 |
| 2 |
a) Acículas longas (máis de 5cm)
b) Acículas curtas (menos de 5cm) |
Pino
Ir a 3 |
| 3 |
a) Acículas agrupadas en verticilos
b) Acículas non agrupadas |
Cedro
Ir a 4 |
| 4 |
a) Sección das acículas aplanada
b) Sección das acículas cuadrangular |
Abeto
Picea |
| 5 |
a) Follas pequenas, escamosas e imbricadas como as
tellas dun tellado
b) Follas non escamosas |
Ciprés
Ir a 6 |
| 6 |
a) Follas compostas
b) Follas simples |
Ir a 7
Ir a 9 |
| 7 |
a) Follas palmeadocompostas
b) Follas pinnadocompostas |
Castiñeiro de Indias
Ir a 8 |
| 8 |
a) Froito en legume
b) Froito alado |
Acacia
Frixo |
| 9 |
a) Follas duras
b) Follas brandas |
Ir a 10
Ir a 11 |
| 10 |
a) Froito con carapucha
b) Froito vermello do tamaño dun chícharo |
Sobreira
Acibro |
| 11 |
a) Follas con borde dentado
b) Follas con borde lobulado |
Ir a 12
Ir a 14 |
| 12 |
a) Follas dúas veces máis longas que
anchas
b) Follas menos de dúas veces máis longas
que anchas |
Sauce
Ir a 13 |
| 13 |
a) Borde inferior asimétrico
b) Borde inferior simétrico |
Olmo
Chopo |
| 14 |
a) Froito alado
b) Froito en bolsas colgantes |
Arce sicomoro
Plátano de sombra |
¿Cales serían os pasos ate identificar
ó Castiñeiro de Indias?
1 b) Follas doutra forma
5 b) Follas non escamosas
6 a) Follas compostas
7 a) Follas palmeadocompostas
Experimenta:
Atrapa unha mosca e, utilizando a seguinte
clave
dicotómica e unha lupa, intenta identificar (non
clasificar como pon o autor) a que familia pertenece este
insecto da Orde Díptera.
|
