Os gregos foron grandes navegantes, e sucaron todo o Mediterráneo; son eles os que lles transmitiron o seu alfabeto ós etruscos, que vivían na actual Italia. Os latinos (que dan orixe ós romanos), conquistaron ós etruscos e tomaron destes o  alfabeto para adaptalo á súa lingua, o latín. No século III a.C. xa existe un alfabeto latino de 19 letras (ás que logo se engadiron o "x" e o "y". Igual cós gregos, os romanos usaban as maiúsculas para escribir en pedra e as minúsculas para o papiro e as táboas de cera.

 

 

Como consecuencia das conquistas e da difusión do pobo romano e do latín, o seu alfabeto converteuse no básico de todas as linguas europeas occidentais.