A escritura precolombina de Mesoamérica.
 

 

A escrita existe en Mesoamérica dende tempos moi remotos. Xa dende a época olmeca, s. X aC, aparecen  elementos gráficos de formas moi diversas. Sen embargo a expresión escrita acada a súa máxima expresión co pobo maia (entre os séculos IV e XV). Cando os españois iniciaron a conquista destas terras (1518) destruíron tódolos libros maias que atoparon ó seu paso por consideralos feiticerías e maxias contrarias ó dogma católico.

   Meses do calendario maia

 

 

Días do calendario maia

 

 

 

 

 

 

 

 

 

 

 

 

 

Os soportes que se utilizaron para esta escritura son do máis variado: pedra e madeira, peles de animais, recipientes de cerámica, tecido, cortizas de árbore, etc. No que respecta ó contido dos textos é moi frecuente a referencia a datas concretas do calendario maia; este calendario constaba de 18 meses de 20 días cada un, máis 5 días complementarios que sumaban os 365 do ano. Os meses e os días representábanse tal e como se indica nos gráficos do lado.

 

 

 

 

 

 

 

 

 

 

Cada unha das figuras que forman a escritura maia chámanse glifos. A maioría dos glifos son ideogramas (ideas representadas mediante debuxos), pero outros son glifos silábicos (representan unha sílaba da lingua).  Na utilización silábica dos glifos maias podemos establecer os seguintes valores :

    

Outra das aportacións xeniais da civilización maia foi o seu sistema de numeración, que era vixesimal e só precisaba de tres símbolos para representar as cifras: o punto, a raia e unha especie de cuncha para o cero.

 

fuente: calendariomaya.com

 

Esta inscrición aparece no sartego do soberano maia de Palenque, e indícanos a data do seu nacemento, a da súa morte, os anos de reinado e o seu nome:

1: É a data 8 Ahau.

2: É a data 13 Pop.

3: É o glifo para ‘nacemento’. Estes tres glifos indican que o rei naceu o 8 Ahau 13 Pop, equivalente ó 603 da nosa era.

4: É a data 6 Etz'nab.

5: É a data 11 Yax.

6: Indica 7.200 días, é dicir, uns 80 anos.

7: É o glifo para morte. Estes tres glifos indican que o rei tiña 80 anos cando morreu.

8: É o nome do soberano, que significa "Escudo de man".

 

 

 

 

 

 

 

 

CHAK - Vermello

 

 

IK - Negro

 

 

K’AN - Amarelo

 

 

SAK - Branco

 

 

YAX - Verde

 

 

 

 

Anterior                                                Seguinte