

2. Condicións que deben cumprir os medicamentos veterinarios >> 25 minutos

Para que un medicamento veterinario poida ser comercializado ten que estar autorizado pola Administración competente e quedar inscripto no ficheiro do Rexistro e Autorización de Especialidades Farmacéuticas de uso veterinario (RAEFAR-V), pero non se lle asigna Código Nacional de Medicamentos. Para que se lle dea a autorización debe cumprir unha serie de condicións:

Ser seguro, é dicir, que en condicións normais de uso non produza efectos tóxicos ou indesexables sobre os animais que sexan desproporcionados ao benefizo.
Ademais debe terse en conta que cando se administra a animais produtores de alimentos destinados ao consumo humano debe coñecerse o tempo de espera axeitado para eliminar os riscos ás persoas derivados dos residuos ou metabolitos do medicamento. Se non se indica, os tempos mínimos recomendados son:

Sete días para ovos.

Sete días para leite.

Vinteoito días para carnes de ave de corral e mamíferos, graxa e menudillos incluídos.

Vinteoito días para carne de pescado.

Ser eficaz nas indicacións terapéuticas para as que se ofrece, ou nas producións gandeiras se se trata de produtos estimulantes das mesmas.

Acadar os requisitos mínimos de calidade e pureza.

Estar correctamente identificado e acompañado pola información precisa .

Coma no caso dos medicamentos de uso humano, a documentación que debe acompañar ao medicamento para a súa autorización inclúe unha ficha técnica que debe conter a seguinte información:

Denominación do medicamento veterinario .

Composición cuantitativa e cualitativa, tanto en principios activos como en excipientes.

Forma farmacéutica.

Propiedades farmacolóxicas e, se procede, datos farmacocinéticos.

Datos clínicos:

Especies ás que vai destinado o medicamento.

lndicacións de uso. Cando se trata de premezclas medicamentosas deben incluírse as posibles repercusións dos procesos tecnolóxicos usados na elaboración dos pensos así como as normas de uso.

Contraindicacións.

Efectos indesexables (frecuencia e gravidade).

Precaucións particulares que deben adoptarse durante o seu uso.

Uso durante a xestación e lactancia.

lnteraccións con outros medicamentos e outras formas de interacción.

Posoloxía e métodos de administración.

Sobredose (cos síntomas, medidas de urxencia e antídotos).

Advertencias particulares segundo a especie animal.

Tempo de espera necesario cando o medicamento se utilice en animais produtores ou destinados ao consumo humano.

Precaucións específicas que deben adoptar as persoas que administren o produto aos animais e aos operarios da fabricación de pensos (cando se trata de premezclas medicamentosas).

Datos farmacéuticos:

Incompatibilidades de importancia.
Periodo de caducidade, cando sexa preciso trala reconstitución do medicamento ou cando se abra por vez primeira o envase, e no penso para as premezclas medicamentosas.
Precaucións especiais de conservación.
Natureza e contido do envase.
Nome ou razón social e domicilio ou sede social do titular da autorización da posta no mercado.
Precaucións especiais que deben observarse para eliminar o medicamento non usado ou, no seu caso, os seus residuos.

As repercusións sobre as persoas que os manexan, principalmente para os produtos destinados á mezcla cos pensos.

As influencias sobre o medio ambiente, cando poida dar lugar a unha acción residual a través dos produtos de desbotar.

As repercusións epizoóticas, cando se trata de produtos inmunolóxicos e das vacinas en particular.

As repercusións sobre a calidade dos alimentos de orixe animal, tanto intrínseca como en relación cos procesos tecnolóxicos aos que se someten.

Os medicamentos veterinarios, comoos de uso humano, deben cumprir uns requisitos. Nesta unidade aprendes sobre as condicións que deben cumprir este tipo de medicamentos e as súas garantías de información. Memoriza o concepto de tempo de espera e os tempos recomendados, se non hai outra indicación. Repasa as definicións de principio activo, excipiente, forma farmacéutica, interacción, posoloxía, sobredose, efecto indesexable e vacina. Esquematiza a información que debe incorporar un medicamento veterinario.