a estructura dos átomos

• Os átomos só poden ter nerxías cuantizadas (discretas), é dicir, os seus electróns só poden ocupar determinados niveis de enerxía. Cando un e- cambia dun nivel a outro emite (se baixa) luz dunha determinada frecuencia propia e absorbe (se sube) luz de determinada frecuencia propia. A diferenciua de enerxía entre os niveis de salto determina a frecuencia da luz característica.
• O modelo mecano-cuántico describe o estado dun electrón mediante catro números cuánticos:
  n, cuantiza a enerxía, n = 1, 2, 3, .. → NIVEL
  l, cuantiza o momento angular, l = 0, 1, 2, 3 .. (n-1) →SUBNIVEL (s, p, d, f)
  m_l, cuantiza a compoñente Z do momento angular m_l = -l .. 0 .. +l →ORBITAL
  m_s, cuantiza a compoñente Z do spín m_s = 1/2 , -1/2
  
• Nun átomo os e- ordenanse desde enerxías inferiores a superiores e non pode haber e- cos catro números cuánticos iguais (principio de exclusión de Pauli).
• A configuración electrónica dun átomo dá información do estado dos seus electróns e símbolizase dando o NIVEL-SUBNIVEL^{{n de e-}} [nl^x]. A configuración electrónica do átomo determina a posición que ocupa o elemento no Sisitema Periódico e polo tanto o seu comportamento (as propiedades) químico.

o sistema periódico

• No SP os elementos están ordenados en periodos (horizontais) e en familias (verticais). Os elementos da mesma familia posuen unha configuración electrónica e un comportamento químico semellante.
• O SP divídese segundo a configuración en tres partes:
  -un grupo principal (enchen os subniveis s e p)
  -o grupo dos metais de transición (enchen o subnivel d)
  -o grupo das terras raras (enchen o subnivel f)
  
• Segundo nos movemos de esquerda a dereita, a carga nuclear efectiva e o potencial de ionización aumentan, mentras que o radio atómico e caracter metálico diminuen. Cando baixamos, a carga nuclear efectiva permanece constante e o potencial de ionización diminue, sen embargo, o radio atómico e o caracter metálico aumentan. Estes aumentos e diminucións das propiedades atómicas poden xustificarse pola configuración electrónica dos elementos.

Anterior: REACCIÓNS ; Seguinte: ESTRUCTURA MOLECULAR