reaccións químicas comúns

solubilidade-precipitación

• Son reaccións moi sinxelas, consisten na rotura ou formación dun enalce iónico entre catións e anións dun sal. O axente intermediario é o disolvente (auga). Os solutos iónicos posúen moi diferentes graos de solubilidade.
• Estequiometría: os moles de sustancia que se disolve-precipita dependen da solubilidade do sal a determinada temperatura e o equilibrio pode representarse mediante a seguinte ecuación: A_mB_n(s) ⇄ mAⁿ⁺(ac) + nB^m-(ac); cando se chega ao equilibrio, ΔG = 0, cúmprese que K_ps = [Aⁿ⁺]^m.[B^m-]ⁿ. Estas ecuacións poden empregarse para determinar:
  - a concentración dun ión en disolución en equilibrio co sólido, cando coñecemos a do outro ión
  - se haberá ou non formación de precipitado
  - a solubilidade do sólido en auga pura ou nunha disolución que conteña un ión común
  
• Termodinámica: as disolucións dos sales é, en xeral, un proceso endotérmico pero con cambio de entropía positivo, polo que as temperaturas altas favorecen a disolución e as baixas a precipitación.
• Cinética: como os enlaces que hai que rompen e forman són sinxelos, as reaccións non son moi lentas, pero a axitación mecánica favorece o proceso.
• Aplicacións: analise química de catións e anións en disolución, tratamento e potabilización de augas, eliminación de resíduos sólidos salinos.

ácido-base

• Estas reaccións consisten na transferencia de H+ dunha sustancia (chamada ácido) a outra que os colle (chamada base) -Brönsted e Lowry-, poden representarse mediante o seguinte equilibrio: HA + B: ⇄ A^- + HB⁺ (equilibrio de transferencia).
• Estequiometría: a estequiometría destas reaccións está determinada polo equilibrio de fortaleza relativa entre os ácidos/bases e os seus bases/ácidos conxugados:
  -os ácidos/bases fortes están completamente ionizados
  -os ácidos/bases débiles parcialmente ionizados: K_a,b = x²/(C_i-x)
• O pH é un parámetro útil para medir a acidez-basicidade destas disolucións, se pH = 7 (neutra), se 0 < pH < 7 (àcida) e se 7 < pH < 14 (bàsica).
• Termodinámica: a disolucións dos ácido/base son todas exotérmicas e acompañadas dun cambio positivo de entropía, en consecuencia as disolucións son sempre espontáneas, ΔG < 0
• Cinética: son moi rápidas (duran fraccións de segundo)
• Aplicacións: valoracións (neutralización) ácido/base, proporcionan un medio para catalizar reaccións (especialmente orgánicas), disolucións de sales con carácter ácido/base (hidrólises), disolucións amortecedoras (para manter constante o pH).

oxidación-reducción

• Son reaccións de transferencia de e-, dunha sustancia que os dá (chamada axente reductor) a outra que os colle (chamada axente oxidante). O parámetro ''número de oxidación'' permite distinguir (cando non é evidente) o reductor do oxidante.
• Estequiometría: as proporcións de combinación dependen dos electróns transferidos entre o oxidante e o reductor (obviamente deben ser os mesmos) e os coeficientes estequiométricos das sustancias hai que axustalos para isto sexa así.
• Termodinámica: a variación de enerxía libre depende do traballo producido na circulación dos eelectróns, ΔG = -nFV
• Cinética: en xeral son lentas
• Aplicacións: valoracións REDOX, pilas químicas (galvánicas e de electrolise), corrosión metálica, fotografía.

Anterior: EQUILIBRIOS ; Seguinte: ESTRUCTURA ATÓMICA