equilibrio químico

• Cando unha reacción se produce nun recipiente pechado alcánzase un equilibrio dinámico onde as reacción directa e inversa transcorren á mesma velocidade. A partir deste instante non hai cambio neto nas concentracións de reactivos e productos e o sistema pode ser descrito en termos dunha relación coñecida como constante de equilibrio, K_c. A expresión para K_c dedúcese directamente da ecuación química axustada que representa ao equilibrio. A magnitude de K_c goberna a extensión coa que se producen as reaccións directa e inversa. Se K_c é moi grande a efectos prácticos só se produce a reacción directa e se é moi pequena a inversa. Para valores intermedios ambas reaccións son importantes e debemos consideralas simultaneamente mediante unha situación de equilibrio.
• Para predicir o sentido de evolución dunha reacción simplemente debemos calcular o ciente das concentracións Q_c e se é menor que K_c a reacción se producirá en sentido directo e se é maior en sentido inverso.
• Se un sistema químico se atopa en equilibrio e por algunha causa externa é perturbado evolucionara no sentido de restablecer novamente o equilibrio contrarrestando a acción feita -Principio de Le Chatelier-. P.ex:
  - se o V diminue, o número de moles de gas do sistema diminuirá
  - se a T aumenta, se producirá a reacción endotérmica
  - etc.
  
• A constante de equilibrio K_c está relacionada coa constante K_p (K_p = K_c.(RT)^Δn ), e esta última relacionada directamente coa ΔG^o estándar da reacción, ΔG^o = −RTlnK_p

Anterior: CINÉTICA ; Seguinte: REACCIÓNS