Nesta foto que podes ver a seguir aparecemos as alumnas e alumnos que, durante o curso 2006-2007, formamos  o Club Matemático Durán Loriga do IES Ramón Otero Pedrayo da Coruña.

 Os membros do club, ó longo deste ano, desenvolvemos varias actividades relacionadas coas matemáticas. A maioría dos que aparecemos na foto, participamos na que se denominou Poliedros de Platón e de Pacioli.

 Este taller de poliedros tivo, entre outros, o obxectivo de preparar a nosa participación no XII Día da Ciencia na Rúa (Parque de Santa Margarida da Coruña, 5 de maio de 2007), na I Feira Matemática (Palacio da Opera da Coruña, 12 de maio de 2007) e a VIII Semana Matemática do IES Ramón Otero Pedrayo (IES Ramón Otero Pedrayo, do 28 de maio ó 1 de xuño de 2007).

A actividade desenvolveuse na Aula Obradoiro de Matemáticas do centro. á que nós acudimos voluntariamente en tres “recreos” de cada semana durante os meses de xaneiro a maio de 2007.

A nosa pretensión foi construír, en cartolina, os cinco poliedros regulares seguindo as interpretacións de Platón e as variacións que sobre eles fai Fra Luca Pacioli no seu libro Divina Proporción no que os gráficos son da autoría de Leonardo da Vinci, amigo persoal do autor.

O proceso de construcción tivo as seguintes fases:

-    Toma de contacto e aproximacións teóricas ó tema.

-    Construcción dos desenvolvementos dos poliedros.

-    Fotocopiado dos modelos en cartolina seguindo un código de colores: encarnada para o tetraedro (o lume), marrón para o cubo (a Terra), azul clara para o octaedro (o aire), verde para o icosaedro (a auga), azul escura para o dodecaedro (o Universo).

-    Plastificado dos modelos con forro adhesivo.

-    Recortado dos modelos.

-    Montaxe dos modelos.

-    Estudo teórico final.

  Premendo nos enlaces seguintes, podes ver unhas poucas fotos relacionadas co noso traballo.

No taller