A MACIÑEIRA

UNHA LINGUA, dous sexos.

Comezo no papel.

Acabo moito antes
que o papel.

O meu xesto é a nada.

Os dous rouban a froita
que nin precisan
nin desexan .

"Como a bomba de Hiroshima,
mon amour , o teu silencio
devastador evidencio
e abofé que teño grima
pois cobizo máis estima.
Non serei correspondente
dun olvido evanescente
porque o teu calar destrúe
o que o noso Amor constrúe
pouco a pouco , lentamente."

ISTO é un puzzle de incógnitas,
seguimos espiando os misterios que son coma os outonos .
Todo pola ecuación exacta.

Desde que as leis do espazo foran destruídas
non sabemos que hemisferio pode agochar todos os
asasinados
da Batalla de Alxer .

Todo pola ecuación exacta.

BIOGRAFÍA: Nace en Lalín en 1969. Licenciado en Filosofía en 1995 pola Universidade de Santiago de Compostela. Ademais de poeta, é un maxistral contacontos . Actualmente traballa na Residencia da Terceira Idade Nosa Señora das Dores de Lalín.

"e se quixera ser o paxaro que pía
nese niño miúdo

qué pensarías
pode que inda quixeras vivir
nunha casiña de herba
nunha palleira
comigo

unha nube clara e unha nube escura e polo ceo vas

a auga das fontes neste lugar
e lávanas a roupa sen xabón
e pona ó sol

que os átomos do meu amor
son pequenos coma pinzas da roupa

e pequeno eu coma o país dos grilos
que se chaman unhos a outros

de noite de país a país
e ti que es costureira
cóseme como mellor vexas
que igual doutra maneira
cóseme alguén e non me quere"

BIOGRAFÍA: Naceu en Lausanne ( Suiza , 1976), pero a súa cidade é Ourense. Licenciado en Ciencias da Información, foi colaborador de "El Mundo-Galicia ", redactor de "Diario de Pontevedra" e formou parte do equipo de " Bravú . net ". Na actualidade colabora como guionista con Continental Produccións e publica artigos en diferentes revistas, fanzines e publicacións electrónicas.

"Shizuka era unha ninja consentida. Coñecía á perfección a arte das sombras e convertérase nunha consumada artista no manexo da espada, pero prestáballe máis a canícula auriense, a barra fixa dos Faraones e vivir da conta corrente do panocas Magohachi , aquel marruco fillo de samurais que seguía namorado dela coma un perdido. Shizuka , virtuosa do Iaijitsu , abandonara Kyoto cando coñecera por chat un opositor ourensán guapísimo"

"Padece do corazón
e de índice elevado de lavañeiras en sangue .
Ten vitrocerámicas nos ollos das enfermeiras ,
que lle ferven o sangue con azucre
e algodón, cada dúas horas.
Ás veces chóralles aos médicos
ou ri , tan escasamente,
nese microondas do cerebro
onde coce sentimentos
prelavados.
Padece de home híbrido,
hipertenso,
case hipopótamo atado a unha cama sanitaria,
porque ten un aquel de neno ,
ou de pirata, ás veces de home lamprea.
Pero pouco sabe dese mal desesperado,
nespereiras atrancándolle as veas,
anque aos fillos só lles diga,
malditas cefalalxias ,
botádelleme leña ás constantes vitais"