Biblioteca > Polos Dereitos da Infancia > Os Nenos e a Pornografía
A pornografía infantil está estreitamente relacionada coa prostitución, e unha leva a outra. A pornografía infantil designa a representación mediante imaxes ou sons de nenos coa fin de gratificar sexualmente ao seu usuario, o que engloba produción, distribución ou utilización do material pornográfico.
A situación actual é extraordinariamente preocupante. Algúns países aparecen como “mercados” especialmente lucrativos, mentres que outros especializáronse na produción e explotación deste tipo de documentos. Segundo estudos recentes, os pedófilos comezan coleccionando pornografía “suave” e pouco a pouco van pasando á “dura”. Ao principio soen satisfacer as súas pulsións nos bordeis dos países periféricos, onde filman os seus encontros par conservar unha lembranza. Ese é un trazo característico dos pedófilos: non poden evitar o atesoramento de documentos.
Existen dúas fontes de material pornográfico destinado a círculos pedófilos, as fotografías e vídeos realizados a título privado, de xeito individual, e as comerciais, destinadas a súa venda e aluguer.
No primeiro caso, o material pornográfico vai pasando de man en man entre pedófilos que se coñecen, constituídos en pequenos grupos que teñen os mesmos gustos, frecuentan os mesmos lugares e relaciónanse por medio de Internet. Intercambian revistas, direccións... Segundo parece, os pedófilos experimentan gran pracer en fotografar ou filmar por si mesmos para alimentar a súa colección persoal. A propia rodaxe é fonte de pracer erótica, pero a satisfacción nace tamén de saber que se posúe un documento único. A produción “privada” de material pornográfico desenvolveuse moito nos últimos anos coa vulgarización das cámaras de vídeo, que permite efectuar de xeito autónomo todos os procesos técnicos. A única dificultade para estes consiste en topar nenos e nenas para pólos ante os seus obxectivos. Os “actores” son en xeral nenos seleccionados no contorno inmediato do pedófilo: veciños, familias amigas ou grupos de menores ao seu cargo. Sedúceos coa súa simpatía, agasallos, a súa capacidade de adiantarse aos desexos de cada un e vainos incitando pouco a pouco aos contactos sexuais
Xunto á produción privada, circula por todo o mundo unha enorme cantidade de material pornográfico no que aparecen nenos, fabricado por bandas criminais especializadas. Ese material, estandarizado e producido en grandes cantidades, difúndese a través dunha multitude de circuítos de distribución, máis ou menos ocultos pero facilmente accesibeis. Internet é un servicio tan inmenso e complexo que resulta extremadamente difícil atrapar ao autor dunha páxina; ademais, os lugares ilícitos cambian sen cesar de dirección electrónica, desaparecendo un día para reaparecer ao seguinte noutro punto da rede, seguramente coa mesma documentación.