Como no Instituto somos xente lida, tamén recomendamos libros!
Discográfica:Motor Music |
RBD Tour Celestial |
|
|
|
Recomendo este disco porque ten unha
música moi divertida e uns pasos que te enganchan. É unha música
con moito ritmo e unhas cancións moi coñecidas para todos aqueles
que viron a serie. Ó principio pasaron desapercibidos, pero logo
chegou o gran éxito.
Gañaron un disco de diamantes en México. Teñen 5 discos e foi a serie de máis éxito ata agora. Cando se inventou a serie os protagonistas tiñan 15 ou 16 anos e agora teñen entre 22 e 25 anos. |
|
| Recoméndollelo aos adolescentes e aos rapaces, porque as súas cancións están baseadas en situacións que viviron eles mesmos, e tamén lle poden pasar a calquera, é dicir, os temas musicais recrean situación que poden darse na vida real. | ||
|
Suxerido por: María Sánchez Ríos (4º PDC) | ||
Discográfica:Motor Music |
Emigrate |
|
|
|
Primeiro disco en solitario de Richard Kruspe, fundador e guitarrista da banda alemá Rammstein. Contén 13 temas que desenvolven un rock industrial propio da citada banda e doutros grupos alemáns, no que os seus vocalistas se caracterizan principalmente por alcanzar tons moi graves cheos de frialdade. Sen embargo, en Emigrate este rock industrial deriva nun estilo máis melódico sen esquecer a intensidade das guitarras. Un dos temas, My World, forma parte da banda sonora de Resident Evil 3: Extinction. |
|
| Trátase dun disco recomendable para os seguidores de Rammstein e para todos os amantes do rock intenso e cheo de matices. | ||
|
Suxerido por: Xosé Antonio Santín Piélago (Equipo da Biblioteca) | ||
Discográfica:Maldito |
Diario de un alma rota |
|
|
|
Eu quero recomendar este traballo porque se trata dun grupo da Pobra, composto por 4 mozos, 3 guitarristas e un deles que canta e toca a batería O CD está composto por 11 cancións. Reparade na que leva por título "Vivo", xa que é unha das máis coñecidas.
|
|
| Este non é un grupo, nin un disco, que sexa para un certo tipo de público. Este CD é rock, pero nin é moi duro nin é moi suave. Para todos e todas! | ||
|
Suxerido por: Luís Fernández Lojo (4º E.S.O. PDC) | ||
Discográfica: Fantasy |
Bad moon rising: The best of Creedence Clearwater Revival |
|
 |
Trátase dun grupo de rock clásico de finais dos 60. Estáintegrado por catro membros: John Fogerty (guitarra e voz,compositor principal e líder de CCR), Tom Fogerty (guitarrarítmica), Stu Cook (baixo) e Doug Cliford (batería). Os CCR seguen gustando a pesar de que non están apenas naslistas dos discos máis escoitados. É un grupo musical representativo da música rock country californiana. Realmente toda a súa discografía é recomendábel porque a súa música segue sendo actual.
|
|
|
Creo que é un grupo musical que non ten data de caducidade, por iso llo recomendaría a persoas de calquera idade, ás que simplemente lles gusta a boa música rock. Espero que a xente que non os coñeza non dubide en escoitalos xa! | ||
|
Suxerido por: Carme Argibay Lorenzo (Dpto. Xeografía e Historia) | ||
Discográfica:Zouma Records |
Quempallou |
Quempallou |
 |
Grupo folk da Península do Morrazo que hai catro ou cinco anos atrás, deixou ao longo do territorio grandes noites de concertos e festa. Neste traballo, mestura de arranxos de temas tradicionais con temas de produción propia, temos o claro exemplo do facer dun grupo destas características: folk tradicional. Moi fieis á raíz, xogan coa textura dos distintos instrumentos, sempre tradicionais, sen caer no tópico de incluír timbres nada nosos obtendo así como resulta un son bastante puro. Dálle moita alegría e faino máis atractivo para aqueles que non teña claro isto “do tradicional”, a voz do sempre simpático Guillerme.
|
|
|
Toda a música é apta para todos os públicos: maiores, pequenos, popeiros, rapeiros... o caso é ter ganas de escoitar cousas novas e a ser posible de calidade. Todos aqueles que renuncian do tradicional ou que non o escoitan polo tópico da “gaiteirada”, que fagan unha viaxe por Quempallou e logo de ter escoitado o disco, anímoos a que fagan un exercicio de análise do escoitado. Un aturuxo!!! | ||
|
Suxerido por: Aleixo Jablonski (Dpto. de Música) | ||
Discográfica:Columbia |
Living after midnight |
|
|
|
Este é un grupo dos 70 de Heavy Metal, o primeiro grupo deste estilo. Tamén foron eles os que "impuxeron" a indumentaria do Heavy Metal, o coiro e todo iso. O álbum que recomendo é un recopilatorio das mellores cancións, pero en realidade habería que recomendar a discografía completa do grupo porque todas as súas cancións son moi boas. O grupo está formado por Glenn Tipton (guitarra), K.K. Downing (guitarra), Ian Hill (baixo), Scott Travis (Batería) e Rob Halford (cantante).
|
|
| Recoméndollelo a todos os rapaces que pensan que escoitan verdadeiro Metal. Non digo tampouco que haxa outros grupos de Metal bos, hai moitos, pero os mellores saíron nos anos 70 e 80 e a maioría dos rapaces que queren seguir a moda non escoitarán verdadeira música, senón a música "de moda". | ||
|
Suxerido por: Adán Cores Fandiño (4º E.S.O. PDC) | ||
Discográfica:Falacatruada |
Xénese |
Dios ke te crew |
 |
Recomendo este traballo porque é interesante, porque fala do que a toda a mocidade lle gusta (e que non vou comentar o que é) e porque ten unha canción moi boa que fala sobre o medio ambiente. A canción chámase "profecía", e fala de que cando chegue o día, non poderás facer nada pola deterioración do medio ambiente.
|
|
| Non llo recomendo a ninguén en especial, porque eu creo que toda a xente debería escoitalo, non importa a idade que teña, nin que lle guste a música pop, ou rock... Eu recoméndollo a todo o mundo! Pero que a xente que se preocupa pola política, o medio ambiente, etc... que o escoite! | ||
|
Suxerido por: Raquel Rodríguez Boo (4º E.S.O. PDC) | ||
