San Estevo

Na ladeira dun bosque de castiñeiros que baixa en pendente ata o Sil está situado un dos monumentos máis importantes de Galicia, o mosteiro de San Estevo de Ribas de Sil. Paga a pena o acceso a pé ó mosteiro, topando ó noso paso os seus muíños con canalización interna de augas ou os Pazos como a Casa da Audiencia.

A primeira comunidade de monxes estivo estreitamente relacionado ás primeiras colonización eremíticas do século VI como a de San Pedro de Rocas. Os ermitaños destas ribeiras uníronse nos primeiros anos do século X para fundar un mosteiro baixo a dirección do Abade Franquila. Estes recibiron no  ano 909  privilexios do monarca galego Ordoño II e do Papa Inocencio IV apoiando a súa fundación. No século XVII, a súa Escola de Santidade será lugar dos primeiros estudios do insigne ilustrado galego Padre Feijoo.

Hoxe conserva a nave da súa igrexa románica dos séculos XI-XII, as súas dependencias e os seus tres magníficos claustros, pertencentes a diferentes estilos arquitectónicos e dos que cabe destacar o impresionante Claustro dos Bispos.

Nos últimos anos, a vida do mosteiro experimentou unha notable revitalización grazas á celebración no seu claustro principal do Festival Folk de Santo Estevo, a principios do mes de agosto e coincidindo coas festas parroquiais de Ribas de Sil. Durante este evento, teñen lugar no mosteiro cursos didácticos de diferentes instrumentos musicais galegos e exposicións.

Hoxe en día esta ocupado por un hotel da cadea de Paradores Nacionais o que implica que non se poda acceder libremente a tódalas súas dependencias.

Álbum fotográfico