Ruta Currosiana
Ola compañeiros!
Aquí tendes unhas fotos dunha saída titulada “A Ruta Currosiana” na que participamos os alumnos e alumnas de 6º, as titoras de 6º, a profesora de música e a encargada da “Casa dos Poetas” situada en Celanova e que é a casa onde naceu Don Manuel Curros Enríquez.
Dita casa está adicada a facer exposicións durante todo o ano e nela tamén se conta a vida e obra deste famoso escritor.
A idea de facer esta saída, partiu do Equipo de Normalización Lingüística que quere, que os nenos e nenas do colexio coñezan un pouco máis a figura de Don Manuel Curros Enríquez,.Con ela, tamén queriamos achegar un pouco a lingua e os poemas escritos por Don Manuel, os nenos e nenas, de maneira, que cada vez que facíamos unha parada para beber ou descansar, líamos un poema relacionado co que estabamos vendo e que están escritos por Don Manuel.
A saída comezou dende o colexio e a 1ª parada foi na “Casa dos Poetas” onde a encargada nos mostrou toda a documentación que teñen sobre “Curros” e tamén nos puxo unha proxección na que se falaba do dura que foi a súa vida
O rematar de ver a “Casa dos Poetas” dirixímonos a ver ó “Claustro de Celanova” e posteriormente fixemos unha visita os bustos de Celso Emilio e de Curros Enríquez onde lemos un poema de cada escritor.
De seguido, comezamos o que verdadeiramente é a “Ruta” pasando por pobos como a Penalta, Mourillos, Vilanova dos Infantes,... ata chegar de novo ó colexio
Esta foto é camiño de Penalta.
Aquí vedes a pedra que lle da nome ao pobo no que só vive unha familia.
Por este camiño iamos a Mourillos
Aquí coa axuda da policía local dirixiámonos á zona recreativa situada detrás do “Santuario da Nosa Señora do Cristal” para xantar e posteriormente seguir a nosa ruta a “Vilanova dos Infantes” que si vos fixades ben na foto podedes ver a “Torre de Vilanova”.
Foi tamén neste pobo onde o cura nos mostrou a “Virxe do Cristal”
Espero que estas fotografías e un pouco o contido que elas conteñen vos animen a facela a todos os que visitades a nosa páxina.
Aquí vos deixo información da “Casa dos Poetas” de Celanova por si vos animades
Fundación Curros Enríquez
R/ Curros Enríquez 37
32.800 Celanova (Ourense)
Tfno: 988.451176
www.currosenriquez.com
fundacion@currosenriquez.com
|
