CEIP DE
CEDEIRA
(REDONDELA)
|
CEIP DE
CEDEIRA
(REDONDELA) |
||||||||
| Datos do Colexio | Actividades | Experiencias | Investigación | Creacións | Comenius | O contorno | Novas | |
Co obxectivo de coñecer, manter, recuperar e, sobre todo, disfrutar coas festas tradicionais, no Colexio celebramos cada ano os seguintes:
Facémolo tradicionalmente na Área Recreativa dos Montes de Cedeira.
Os máis pequenos suben en autobús e o resto camiñando o que nos permite apreciar e valora-lo noso medio natural e as fermosas vistas da Ría de Vigo coa Illa de San simón, e de gran parte do concello de Redondela.
Unha
vez arriba, baixo os
castiñeiros, preparamo-los
cucuruchos de papel, asamos e comemo-las castañas.
Tamén adicamos un tempo para cantar algunha peza relacionada con esta festa tradicional.
Logo realizamos outras actividades (de observación, xogos tradicionais ou de orientación,...) que nos permiten completar unha xornada lúdica e formativa.
Tamén adoitamos confeccionar nestas datas cestas con froitos e follas de outono. Cada aula prepara varias cestas e logo facemos con todas unha vistosa exposición.
Iniciamo-la celebración
do entroido realizando actividades nas aulas. Durante a Quincena do
Entroido tódalas
clases do Colexio desenvolven a Unidade Didáctica que deseñou o profesorado
do Centro: visionado de videos con mostras dos diferentes entroidos de
Galicia, exposición de fotografías, ambientación das aulas e espacios comúns,
confección de carautas e máscaras, receitas de cociña, etc.
Un elemento característico
do noso Entroido é o Meco. Con el criticamos algún feito negativo ocorrido
ó longo do ano. Rematámo-la xornada
festiva disfrazándonos todos, xulgando ó Meco e queimandoo. Tamén o noso
Meco mándanos traer cada día da semana da festa algún obxecto ou prenda de
roupa para prepararnos para a mesma.
CURSO 2.004-2005
Este ano disfrazámonos de distintos oficios, facendo unha parodia dos mesmos. ¡Foi moi divertido!
No Paraíso vivíase estupendamente sen traballar, ata que unha mazá provocou o que provocou...
Trala
expulsión, cada persoa tivo que gaña-lo pan
coa suor da súa fronte.
Así temos peixeiras, mariñeiros, albaneis, pintoras, perruqueiras, médicas e enfermeiros, xornalistas, executivos, detectives,...
Pero
tamén temos parados, xubilados, emigrantes...
Este curso decidimos que o Meco fose o Paro, un dos problemas que, ano tras ano, nos acompaña. Logo de ser xulgado polo alumnado de Sexto de Primaria, queimámolo coa idea de que deixe de ser un problema para toda a sociedade.
CURSO
2.003-2.004
O Meco que se queimou no 
Entroido
deste ano representaba unha cementeira que se quere construir na zona, en Rande.
O alumnado participou na confección deste e tamén na redacción do xuizo que o
condenou.
Todo o colexio participou na representación cómica das “etapas da vida”. As diferentes idades víronse reflexadas nos disfraces que, empezando polos maiores (disfrazados de bebés), acabaron
nos velliños de Infantil.
CURSO
2.002-2.003
O Entroido deste ano foi especial. Primeiro
tomamos un
chocolate con churros para coller forzas. Logo de nos
disfrazar, comezamos a representación do conto “Cando o mar se vestíu
de loito” referido á catástrofe que asolou as nosas costas a finais
do ano 2.002.
Repartímosnos os papeis: os de Educación
Infantil ían de pescadores e mariscadores. Os de Primeiro Ciclo, de
peixes. Os de Terceiro, Cuarto e Sexto facían de marea negra e os de
Quinto, de voluntarios.
¿Queredes le-lo conto? Pois facede clic no seu nome:
CANDO
O MAR SE VESTÍU DE LOITO
procedimos a queimalo. Fixémolo con moitas ganas, agardando
que nunca máis volva a ocurrir unha traxedia similar en ningunha parte
do mundo. Logo actuaron rapaces e rapazas do Segundo e do Terceiro
Ciclos, facendo “playbacks” e, finalmente, bailamos para remata-la
festa.
É
ben coñecida a tradición que a festa dos maios ten no concello de
Redondela. No Colexio, por terceiro ano consecutivo, quixemos que os máis
pequenos participen desta celebración popular. O día 30 de abril
confeccionamos entre todo o profesorado e alumnado do Centro un maio
tradicional. Desde os máis cativos, todos e todas colaboraron
recollendo flores e fiuncho, traendo 
laranxas e ovos. Logo, nas aulas,
coséronse facendo cadeas de cores. Tamén creamos
coplas e aprendimos
outras tradicionais.
Finalmente
saímos ó patio para montalo entre todos. Primeiro o fiuncho, logo as
flores, ovos e laranxas. E finalmente a coroa.
Cando rematamos de confeccionalo, comezamos a canta-las coplas por cursos. Para finalizar, démoslle unha volta ó Colexio e deixámolo na entrada do mesmo.
No noso Colexio estamos recuperando os xogos tradicionais.
Desde hai varios anos
tentamos que os nosos alumnos e alumnas descubran algo máis da vida dos seus
avós e pais a través dos 
xogos
que practicaban cando eran cativos. Por medio dun cuestionario todos coñecimos
ou lembramos moitos xogos que hoxe case non se
practican. E desde aquela, cada
ano, dentro da programación do Colexio hai un espacio para os xogos
tradicionais.
Tedes aquí unha mostra dos practicados nos últimos cursos:
