Semana das contraseñas: durante toda a semana a gran bruxa decidía a contraseña que cada día debería reinar no colexio: colares, pulseiras, pinzas no pelo, mandís,...

“Cheo de colares e pulseiras,
mañá riraste un montón:
verás ós teus amig@s
con aneis e medallón"

   Festa dos disfraces: este ano o tema central foi os xogos de mesa: o alumado de 1º elixiu as damas; os de segundo curso, o dominó; 3º,  baralla de póquer, 4º, tres en raia, 5º, encrucillados e 6º parchís. O desfile celébrouse o día 4 de febreiro pola mañá.

   Degustación de postres típicos, gracias á colaboración das familias que se esmeran na elaboración de postres típicos destas datas e propios da zona. A elaboración e a presentación están coidadas co máximo esmero.
 
 
     Recollida de coplas relacionadas co tema:
Adeus martes de entroido,
adeus meu amiguiño;
ata o ano que vén
non che probo o touciño.
 
O entroido coitadiño,
amigo das garuladas;
comeume o touciño todo
deixoume quedar sen nada.
 
 
 

 
 
 
 
 
 
 
 
 
 
Adeus domingo de entroido,
domingo das merendadas;
comiches todo o touciño,
levas as barbas untadas.
 
Todo isto que dicimos,
ninguén lle pareza mal;
que son as bromas do ano
en días de carnaval.
 
 

 
 
No carnaval,
con patacas e grelos
fanse bos caldos galegos.
 
 
Entroido borralleiro,
deches co cu
nun caldeiro.