• -Unha sala de estudo e lectura de máis de 90 m2, onde está o fondo de literatura así como a videoteca, en andeis abertas para facilitar o acceso directo dos usuarios e usuarias e 8 mesas colectivas con 48 postos de lectura.
• -Un arquivo duns 35 m2, co fondo de tódalas obras de referencia e de consulta como enciclopedias, dicionarios, etc
• -Unha zona multimedia e de lectura informal duns 35 m2  co fondo de cómics, revistas e prensa diaria.
• -Unha zona de informática duns 20 m2 con dous ordenadores, con acceso a internet, unha impresora a cor e un scanner para uso do alumnado.
• -O rexistro atópase á entrada da biblioteca entre a zona de informática e a de lectura informal.

2.2. Recursos documentais

O fondo inicial consta de aproximadamente 17.000 exemplares entre libros, revistas e vídeos. O seu crecemento, a presencia de tódolos soportes documentais e o equilibrio entre obras de coñecemento e de ficción axustaranse ás recomendacións da IFLA (Agrupación Internacional de Federacións de Bibliotecarios/as) un 30% do fondo dedicado a documentos de ficción e un 70% de documentos informativos.

2.3. Persoal

O/A bibliotecario/a escolar é un elemento imprescindible neste modelo de biblioteca escolar. Contará cunha dedicación plena de a lo menos as súas horas complementarias. Será un docente de entre os que teña a formación axeitada que desempeñará, coa axuda dun equipo multidisciplinar de profesores e profesoras que teñan asignadas horas de atención á biblioteca, as seguintes funcións:

1. Asegurar a organización, mantemento e axeitada utilización dos recursos  documentais e da biblioteca do centro.
2. Atender ao alumnado que utilice a biblioteca facilitándolle o acceso ás diferentes fontes de información e orientándoo sobre a súa utilización.
3. Difundir, entre o profesorado e o alumnado, información cultural (Libros máis vendidos, o libro do mes, a película do mes...)
4. Colaborar na promoción da lectura como medio de información, entretemento e lecer.
5. Recoller as propostas de compra de novos materiais e fondos para a biblioteca.e trasladalas á dirección
6. Calquera outra que se poida establecer no regulamento de réxime interior do centro.

O/A equipo de docentes encargados da xestión da biblioteca reunirase, polo menos, unha vez ao mes para coordinar actividades, avaliar o rendemento e propor as medidas de mellora que se consideren oportunas. A súa constitución, composición e distribución de tarefas deberán ser aprobadas pola Xefatura de Estudos, a proposta do responsable da Biblioteca Escolar
O/A bibliotecario escolar formará parte da Comisión de Coordinación Pedagóxica.

2.4. Horario

A biblioteca escolar deberá permanecer aberta durante un amplo horario, que será en todo caso durante as 30 horas do horario matinal.