| << Anterior | 1 2 3 4 5 |
Se o fomento da lectura, da expresión e da creatividade, a educación para o ocio e o tempo de lecer son uns dos nosos principais obxectivos; é a animación cultural e lectora onde diriximos o noso maior compromiso.
Iniciouse, o proxecto aquí exposto, no curso académico 2005-2006. Conscientes da envergadura do mesmo, esperabamos que fora unha realidade a curto prazo, para o que a concienciación da nosa comunidade educativa (profesorado, alumnado, asociación de pais e nais, consello escolar), do Concello (biblioteca municipal), do Centro de Formación e Recursos, e da administración educativa do importante papel que xoga a biblioteca escolar, como centro de recursos organizados, no logro da calidade educativa, era o eixo fundamental cara a conseguir os nosos obxectivos, a mellora non só da nosa Biblioteca senón de tódalas Bibliotecas Escolares.
A avaliación deste proxecto levarase a cabo mensualmente nunha reunión da xefa de estudos coa coordinadora deste proxecto, e tódolos titores da biblioteca para coordinar actividades, avaliar o rendemento e propor as medidas de mellora que se consideren oportunas. Así mesmo pasaranse unha serie de cuestionarios ao alumnado, profesorado e aos titores da biblioteca co fin de coñecer o grado de cumprimento dos nosos obxectivos iniciais. Farase tamén unha memoria final da Biblioteca onde se incluirá unha valoración, tanto pormenorizada como global, sobre o funcionamento deste plano.
Nota: Programación da Biblioteca Escolar aprobada polo Claustro e o Consello Escolar e incluido no PEC e na PXA
| << Anterior | 1 2 3 4 5 |
