Programación Xeral

1. Obxectivos e Funcións da Biblioteca Escolar

A biblioteca escolar é un espacio educativo, un centro de recursos multimedia ao servizo da comunidade educativa.
A biblioteca escolar está integrada no proxecto educativo e curricular do centro e fomenta métodos activos de ensinanza e aprendizaxe.
A biblioteca escolar non traballará de forma illada senón formando parte de redes.
A biblioteca escolar favorecerá o cumprimento de tódolos obxectivos xerais da educación e non só os académicos, en especial os relativos á transversalidade, a corrección das desigualdades de orixe do alumnado, o acceso á cultura e o fomento da lectura.
Entre os obxectivos que nos marcamos na nosa biblioteca están:

a)Proporcionar un continuo apoio ó programa de ensino-aprendizaxe.
b)Asegurar o acceso a unha ampla gama de recursos e servizos.
c)Dotar ao alumnado das capacidades básicas para obter e usar unha gran diversidade de recursos e servizos.
d)Habituar ao alumnado á utilización das bibliotecas con finalidades recreativas, informativas e de educación permanente.

A biblioteca escolar ten unha serie de funcións educativas, culturais e técnicas que afectan en xeral á formación integral da persoa e en concreto ao deseño, desenvolvemento e innovación curricular.

1.1. Funcións Educativas

A biblioteca escolar ten, entre outras, as seguintes funcións educativas:

-Fomento da lectura, análise e tratamento da información e da documentación
-Fomento da expresión e da creatividade
-Educación para o ocio e o tempo de lecer
-Información e orientación

1.2. Funcións Culturais

A biblioteca escolar ten tamén funcións de tipo cultural, especialmente:

-Organizar actividades culturais, na súa condición de espacio interdisciplinar
-Proporcionar información sobre todo tipo de actividades, recursos e servizos culturais externos.

1.3. Funcións Técnicas

A biblioteca escolar ten que xestionar tecnicamente os seus recursos para cumprir as súas funcións de tipo educativo e cultural. Entre as funcións técnicas cabe destacar:
-Xestionar e organizar as instalacións e o equipamento.
-Xestionar, organizar e tratar os recursos da información e documentación.
-Elaborar documentación propia como dossieres documentais e de prensa,...
-Difundir e facilitar o acceso aos recursos dispoñibles.

2. Normativa

Cómpre ter unha normativa que axuste as instalacións e equipamento, os recursos documentais, o persoal, o seu horario, o orzamento, a organización en redes e a coordinación, ás necesidades reais da posta en práctica destes obxectivos da nosa Biblioteca Escolar.

2.1. Instalacións e equipamentos

O local da nosa biblioteca, moi ben situado en relación ás aulas de ESO e Bacharelato que son os nosos usuarios máis habituais, de fácil acceso para todos eles, e cunha superficie de 180 m2 dedicada para uso exclusivo da mesma, está dividido en cinco espazos ben diferenciados:

1 2 3 4 5

Seguinte >>