A Nosa Historia As Matemáticas no INTRES As Matemáticas na rede As Matemáticas Rañatestas Os exames Ligazóns |
Obxectivos e criterios de avaliación
OBXECTIVOS XERAIS DA ESO
1. Utilizar de maneira habitual as
diferentes linguaxes matemáticas (numérica, alxebraica, estatística,
xeométrica, gráfica...) na medida que resulten útiles para describir,
representar e traducir as cuestións presentadas e as súas solucións. 2. Usar as formas de pensamento lóxico para
formular e comprobar conxecturas, realizar inferencias e deduccións, e
organizar e relacionar informacións diversas relativas á vida cotiá e á
resolución de problemas. 3. Cuantificar aqueles aspectos da
realidade que permitan interpretala mellor, empregando diversos medios
apropiados a cada situación, tales como técnicas de recollida de datos,
procedementos de medida, as distintas clases de números cos seus cálculos
correspondentes, etc. 4. Elaborar estratexias persoais para a
análise de situacións concretas e a identificación e resolución de problemas,
empregando distintos recursos e instrumentos, e valorar a conveniencia das
estratexias utilizadas en función da análise dos resultados obtidos. 5. Representar a información obtida sobre
fenómenos e situacións diversas de forma gráfica e numérica, e formarse un
xuízo sobre a mesma. 6. Recoñecer a realidade como diversa e
susceptible de ser explicada dende puntos de vista contrapostos e complementarios:
determinista/aleatorio, finito/infinito, exacto/aproximado, etc. 7. Identificar as formas e relacións
espaciais que se presenten na realidade, analizando as propiedades e
relacións xeométricas implicadas e sendo sensible á beleza que xeran. 8. Valorar as matemáticas como unha ciencia
integradora, recoñecendo o papel que desempeñan nos distintos ámbitos da
actividade humana, non só na científica e tecnolóxica, senón tamén nos
aspectos sociais, estéticos, laborais, etc. 9. Actuar, nas situacións cotiás e na
resolución de problemas, de acordo cos modos propios da actividade
matemática, como a exploración sistemática de alternativas, a precisión na
linguaxe, a flexibilidade para modificar o punto de vista ou a perseveranza
na procura de solucións. CRITERIOS DE AVALIACIÓN NA ESO |
1. Utilizar os números enteiros, decimais e
fraccionarios e as porcentaxes para intercambiar información e resolver
problemas e situacións da vida cotiá. 2. Resolver problemas para os que se
precise a utilización das catro operacións, as potencias, as raíces cadradas,
con números enteiros, decimais e fraccionarios, elixindo a forma de cálculo
apropiada e valorando a adecuación do resultado ó contexto. 3. Utilizar convenientemente aproximacións
por defecto e por exceso dos números acoutando o erro, absoluto ou relativo,
nunha situación de resolución de problemas, dende a toma de datos ata a
solución. 4. Interpretar relacións funcionais dadas
en forma de táboa o a través dunha expresión alxebraica sinxela, e
representalas utilizando gráficas cartesianas. 5. Resolver problemas da vida cotiá por
medio da simbolización das relacións que poidan distinguirse en eles e, no
seu caso, da resolución de ecuacións de primeiro grado. 6. Resolver problemas nos que se precise a
presentación e resolución de sistemas de ecuacións lineais con dúas
incógnitas. 7. Asignar e interpretar a frecuencia e
probabilidade en fenómenos aleatorios de forma empírica, como resultado de
recontos, por medio do cálculo (regra de Laplace) ou por outros medios. 8. Presentar e interpretar informacións
estatísticas tendo en conta a adecuación das representacións gráficas e a
significación dos parámetros. 9. Estimar a medida de superficies e
volumes de espacios e obxectos cunha precisión acorde coa regularidade das súas
formas, así como co seu tamaño, e calcular superficies de formas planas
limitadas por segmentos e arcos de circunferencia, e volumes de corpos
compostos por ortoedros. 10. Utilizar os conceptos de incidencia,
ángulos, movementos, semellanza e medida na análise e descrición de formas e
configuracións xeométricas. 11. Interpretar representacións planas de
espacios e obxectos, e obter información sobre as súas características
xeométricas (medidas, posicións, orientacións, etc.) a partir de ditas
representacións, utilizando a escala cando sexa preciso. 12. Identificar relacións de
proporcionalidade numérica e xeométrica en situacións diversas, e utilizalas
para o cálculo de termos proporcionais e razóns de semellanza na resolución
de problemas. 13. Identificar e describir regularidades,
pautas e relacións coñecidas en conxuntos de números e formas xeométricas
similares. 14. Utilizar estratexias sinxelas, tales como a reorganización da información de partida, a procura de exemplos, contraexemplos e casos particulares, ou os métodos de «ensaio e erro» sistemático, en contextos de resolución de problemas. |
OBXECTIVOS
XERAIS DO BACHARELATO
1.- Comprender os conceptos, procedementos e
estratexias matemáticas que lles permitan desenvolver estudios posteriores
máis específicos de ciencias ou técnicas e adquirir unha formación científica
xeral. 2.- Aplicar os seus coñecementos
matemáticos a situacións diversas, utilizándoos na interpretación das
ciencias, na actividade tecnolóxica e nas actividades cotiás. 3.- Analizar e valorar a información de
diferentes fontes, utilizando ferramentas matemáticas, para formarse unha
opinión propia que lles permita expresarse criticamente sobre problemas
actuais. 4.- Utilizar con autonomía e eficacia, as
estratexias características da investigación científica e os procedementos
propios das matemáticas (presentar problemas, formular e contrastar hipóteses,
planificar, manipular e experimentar) para realizar investigacións e, en
xeral, explorar situacións e fenómenos novos. 5.- Expresarse oral, escrita e graficamente
en situacións susceptibles de ser tratadas matematicamente, mediante a
adquisición do manexo dun vocabulario específico de termos e notacións
matemáticas. 6.- Mostrar actitudes asociadas ó traballo
científico e á investigación matemática, como a visión crítica, a necesidade
de verificación, a valoración da precisión, o cuestionamento das apreciacións
intuitivas e a apertura a novas ideas. 7.- Utilizar o discurso racional para
presentar acertadamente os problemas, xustificar procedementos, adquirir
rigor no pensamento científico, encadear coherentemente os argumentos e
detectar incorreccións lóxicas. 8.- Abordar con mentalidade aberta os
problemas que a continua evolución científica e tecnolóxica presenta á
sociedade dominando a linguaxe matemática necesaria. 9.- Apreciar o desenvolvemento das matemáticas como un proceso cambiante e dinámico, intimamente relacionado co doutras áreas do saber, mostrando unha actitude flexible e aberta ante as opinións dos demais. |
CRITERIOS DE AVALIACIÓN NO BACHARELATO
1.- Comprender os conceptos, procedementos e
estratexias matemáticas que lles permitan desenvolver estudios posteriores
máis específicos de ciencias ou técnicas e adquirir unha formación científica
xeral. 2.- Aplicar os seus coñecementos
matemáticos a situacións diversas, utilizándoos na interpretación das
ciencias, na actividade tecnolóxica e nas actividades cotiás. 3.- Analizar e valorar a información de
diferentes fontes, utilizando ferramentas matemáticas, para formarse unha
opinión propia que lles permita expresarse criticamente sobre problemas
actuais. 4.- Utilizar con autonomía e eficacia, as
estratexias características da investigación científica e os procedementos
propios das matemáticas (presentar problemas, formular e contrastar
hipóteses, planificar, manipular e experimentar) para realizar investigacións
e, en xeral, explorar situacións e fenómenos novos. 5.- Expresarse oral, escrita e graficamente
en situacións susceptibles de ser tratadas matematicamente, mediante a
adquisición do manexo dun vocabulario específico de termos e notacións matemáticas. 6.- Mostrar actitudes asociadas ó traballo
científico e á investigación matemática, como a visión crítica, a necesidade
de verificación, a valoración da precisión, o cuestionamento das apreciacións
intuitivas e a apertura a novas ideas. 7.- Utilizar o discurso racional para
presentar acertadamente os problemas, xustificar procedementos, adquirir
rigor no pensamento científico, encadear coherentemente os argumentos e
detectar incorreccións lóxicas. 8.- Abordar con mentalidade aberta os
problemas que a continua evolución científica e tecnolóxica presenta á
sociedade dominando a linguaxe matemática necesaria. 9.- Apreciar o desenvolvemento das matemáticas como un proceso cambiante e dinámico, intimamente relacionado co doutras áreas do saber, mostrando unha actitude flexible e aberta ante as opinións dos demais. |
A Nosa Historia As Matemáticas no INTRES As Matemáticas na rede As Matemáticas Rañatestas Os exames Ligazóns |