Unha fórmula oficinal defínese como aquel medicamento elaborado e garantido por un farmacéutico/a ou baixo a súa dirección, dispensado na súa oficina de farmacia ou servizo farmacéutico, enumerado e descrito polo Formulario Nacional , destinado á entrega directa aos doentes aos que abastece a dita farmacia ou servizo farmacéutico, sempre que conte coa autorización correspondente e dispoña do material esixido .

Como as fórmulas maxistrais, os preparados ou fórmulas oficinais deben ser preparados con substancias medicinais de acción e indicación recoñecidas oficialmente en España e segundo a tipificación contida no Formulario Nacional .

• Deben estar enumerados e descritos polo Formulario Nacional.

• Deben cumprir as normas da Real Farmacopea Española .

• Deben ser elaborados e garantidos por un farmacéutico/a da oficina de farmacia ou do servizo farmacéutico que os dispense, segundo as normas de correcta elaboración e de control de calidade.

• Deben necesariamente presentarse e dispensarse baixo denominación xenérica e en ningún caso baixo marca comercial.

• Deben ir acompañados do nome do farmacéutico/a que os prepare e da información suficiente que garanta a súa correcta identificación e conservación, así como a súa segura utilización.

Nesta unidade aprendes as condicións que deben cumprir as fórmulas oficinais. Repasa e memoriza a definición de denominación xenérica. Repasa as definicións de Substancia medicinal, medicamento, fórmula maxistral, dispensación e Formulario Nacional. Aprende que é a Real Farmacopea Española