Trátase dun libro oficial expedido polo Colexio Oficial de Farmacéuticos da correspondente provincia, no que deben quedar consignadas todas as dispensacións de:

• Fórmulas maxistrais.

• Medicamentos que inclúan substancias psicótropas .

• Medicamentos que inclúan estupefacientes das listas I, II e III .

• Aquelas especialidades que se determine por esixencias de especial control médico .

Este libro consta de:

• Unha páxina inicial na que aparecen os datos da oficina de farmacia e que está dilixenciada pola correspondente inspección.

• Páxinas de rexistro seladas e numeradas nas que se anotan os seguintes datos.

  • Data da dispensación ou venda.

  • Número de rexistro, que sempre debe ser correlativo e continuado.

  • Médico prescritor.

  • Prescrición dispensada.

  • Prezo.

  • Observacións.

As anotacións no libro receitario deben seguir unha orde correlativa dende o momento no que se dilixenciou o libro, de tal xeito que a cada dispensación ou venda anotada correspóndelle un número identificativo.

Nesta unidade aprendes todo o que tes que saber sobre o libro receitario. Repasa as listas de psicótropos e de estupefacientes e as definicións de dispensación e prescrición. Imprime un modelo de Libro Receitario dende aquí e aprende as anotacións que hai que facer nel.