O cupón-precinto das especialidades farmacéuticas sitúase na embalaxe ou no acondicionamento primario e serve como xustificante de dispensación con cargo ao sistema sanitario público pegándoo na receita.

Nos cupóns das especialidades farmacéuticas distínguense dúas zonas: A (superior) e B (inferior).

• Zona A: É a zona superior do cupón e nela aparece a seguinte información:

  • Siglas A.S.S.S. (asistencia sanitaria da seguridade social). Indican que a especialidade é financiada.

  • Símbolos e siglas, segundo corresponda, tendo en conta que o cícero de aportación reducida sempre aparece á esquerda das siglas A.S.S.S.

   

  

   

  • Nome do laboratorio.

  • Nome da especialidade, indicando a forma de presentación.

  • Código nacional .

• Zona B: É a zona inferior do cupón e nela aparece o código de barras. En España séguese o sistema de codificación EAN13 (European Article Numbering de 13 díxitos).

Interpretación do cupón-precinto dunha especialidade farmacéutica

Hai que facer algunhas consideracións respecto a diferencias no cupón-precinto dependendo do tipo de especialidade farmacéutica:

• Un caso especial é o das especialidades farmacéuticas reguladas polo Real Decreto 1663/1998 . Estas especialidades son financiadas polo Sistema Nacional de Saúde cando hai unha prescrición (receita) na que se especifica que é unha especialidade de Real Decreto (a receita debe ter un selo que diga “Real Decreto 1663/1998”). O cupón-precinto destas especialidades ten na zona A un cadro aberto por abaixo (capuchón) e o símbolo “I” na esquina superior dereita. Estas especialidades non precisan homologación . No caso de receitas de MUFACE, MUGEJU e ISFAS, non é preciso que se faga constar a lenda "Real Decreto 1663/1998".

• Outro caso especial, dende o 1 de febreiro de 2005, son os antipsicóticos atípicos que posúen un cupón-precinto diferenciado que ten na zona A un cadro aberto por abaixo (capuchón) e a letra "E" na esquina superior dereita. Estas especialidades precisan homologación tanto para usuarios/as do SERGAS como de ISFAS que sexan maiores de 75 anos.

• As EFP non teñen cupón-precinto pero si poden incluír o código de barras e o número CN xunto ás siglas EFP.

• As especialidades farmacéuticas que precisan homologación levan capuchón.

Exemplos:

Esta é unha unidade moi importante que complementa o aprendido sobre dispensación de medicamentos , que debes repasar. Aprende o concepto de cícero, antipsicótico activo e A.S.S.S. Repasa os conceptos de dispensación, prescrición, código nacional, homologación e bioequivalencia. Revisa medicamentos que teñan cupón-precinto e identifica o tratamento que hai que darlles no proceso de dispensación. Lé o Real Decreto 1663/1998 .