| |
|
A
casa de turismo rural "Casa dos Cregos", situada en Bascuas,
convocou por vez primeira neste ano 2004 un certame literario que
leva o seu nome. O tema desta primeira edición era: "Fala
do teu curruncho preferido no noso concello" e estaba dirixido
a todo o alumnado dos centros de ensino do concello de Vila de Cruces.
Establecéronse 4 categorías:
1ª categoría: alumnado de 5º ou 6º de Primaria.
2ª categoría: alumnado de 1º ou 2º de ESO.
3ª categoría: alumnado de 3º ou 4º de ESO.
4ª categoría: alumnado de 1º ou 2º de Bacharelato
ou Ciclos Formativos.
O xurado estivo formado por Anisia Miranda, Paz Lamas, Sinesio Soto,
Jesús Pereiro e Séchu Sende e actuou como secretaria
Rosa Salgueiro, con voz pero sen voto.
| |
As
premiadas do noso centro foron Karlota Salgado Leal (4º
ESO), Merichel Vicente Rey (3º ESO) e Silvia Rey Souto
(3º ESO).
Karlota Salgado recibiu o 1º premio polo
texto titulado "As Codeseiras", do que o xurado destacou
a "excelente creación dunha atmosfera lírica
moi persoal".
O 2º premio correspondeulle a Merichel Vicente
por "A casa vella onde vivían os meus antepasados",
texto dunha gran "calidade narrativa e precisión
á hora de plasmar emocións" na opinión
do xurado.
Tamén se lle concedeu un accésit a Silvia
Rey polo traballo "O meu lugar" pola "orixinalidade
e a defensa da necesidade de conservar as orixes".
Finalmente, o xurado destacou a calidade da contribución
de Alexandra Radu e felicitouna polos avances realizados
no seu proceso de convivencia, posto que aínda non hai
un ano que está entre nós. |
| |
|
 |
Faro
de Vigo, 8 de maio de 2004
|
|
|
|
