A oferta e a demanda son as dúas forzas que interactúan no mercado, determinando a cantidade negociada de cada ben (ou servizo) e o prezo ao que se vende.

Exemplo: o pasado día 23 de decembro de 2007, nun supermercado de Pontevedra estaba o quilo de cigalas a 129 €. É este o prezo normal do quilo de cigalas? É moi caro ou é barato? A que se debe este prezo? O ano anterior, o mesmo quilo de cigalas estaba a 178 €. Poderiamos pensar que neste caso as cigalas do ano 2007 eran baratas? Por que están máis baratas un ano que outro? Se ampliamos a información e vemos que os dous anos no supermercado pediron e venderon a mesma cantidade de cigalas. Por que variou o prezo?

3.2 - A OFERTA

A oferta determina a cantidade dun ben que os vendedores ofrecen ao mercado para cada nivel de prezo.

Se os produtores de Cigalas non conseguisen un prezo o suficientemente elevado como para vivir da súa produción, probablemente buscarían outra actividade.

Do mesmo xeito, o feito de que os capóns teñan unha maior demanda supón que se poden vender a un prezo superior e, polo tanto, máis xente decidirase á súa produción, xa que o beneficio que poden obter é superior a outros posibles produtos e ven unha oportunidade.

Pero hai máis factores que o mero prezo dun ben que afecta á oferta do mesmo. Para poder analizalo imos explicar primeiro o concepto de economía denominado “ceteris paribus”.

Hai uns anos producíronse enormes protestas por parte dos produtores de tomates. Debido á importación de tomates desde Marrocos e outras zonas onde é máis barata a man de obra que en España, os produtores de tomates nalgúns casos chegaron á conclusión de que non lles compensaba producilos xa que o prezo de venda era máis baixo có custo de produción e, polo tanto, non gañaban nada. Que pasaría se de repente na Unión Europea establecesen medidas proteccionistas e non deixasen importar tomates? O prezo de venda dos tomates sería maior e máis produtores estarían dispostos a producilos, en consecuencia, a oferta de tomates sería maior.

3.2.1 - Factores que determinan la oferta

Imos a analizar cada un dos diferentes factores que determinan a oferta “ceteris paribus”, e dicir, ailladamente e supoñendo que os outros factores que determinan a oferta dun bien se manteñen constantes.

Características da curva de oferta

Para poder determinar a función ou curva de oferta debemos sumar a oferta de cada un dos diferentes vendedores para cada prezo. O que desexamos determinar é a cantidade ofrecida para cada prezo, polo tanto, as variables a considerar serán prezo e cantidade.

Como viamos estas dúas variables flutúan directamente, é dicir, a maior prezo maior cantidade e a menor prezo menor cantidade ofrecida.

PPT: A función de oferta

Parece claro que canto maior sexa o prezo de venda dos produtos, maior será a cantidade de empresarios, vendedores en xeral que estarán dispostos a ofrecelo. Poñamos o caso polémico das fresas que España exporta ao resto de Europa. Debido á facilidade de exportalas xa que hai mellores medios de transporte e liberdade de comercio entre as fronteiras da UE, os produtores de fresas poden vendelas no resto de Europa a prezos maiores (a isto contribuíu tamén a facilidade de intercambios de mercancías que provocou a entrada do euro).

Supoñendo que o resto dos factores que afecta á oferta das fresas mantéñense constantes, a maior prezo, os produtores de fresas estarán dispostos a investir no seu negocio para producir máis, ademais outros agricultores que ven que cada vez coa produción de fresas gáñase máis, decidirán cambiar, e por exemplo en vez de producir tantas cebolas, adícanse máis ao mercado das fresas, ou comparten os dous. É dicir, en definitiva, o feito de que o prezo das fresas aumente, supón que a oferta medrará.

Supoñamos que as diferentes cantidades aos diferentes prezos que estarían dispostos a ofrecer os empresarios fosen as seguintes: Para un prezo de 1€ o quilo de fresas, 1.000 quilos; para un prezo de 1,20 €/k, 2.500 quilos; para un prezo de 1,50 €/k, 6.000 quilos; para un prezo de 1,80 euros, 10.000 quilos e para un prezo de 2 €/k 15.000 quilos. Representemos a curva de oferta de fresas:

3.2.2 - Movementos ao longo da curva de oferta e desprazamentos da curva de oferta

Outras ligazóns interesantes sobre o tema:

Movementos ao longo da curva de oferta (eumed.net)

Desprazamentos da curva de oferta (eumed.net)

Que pasaría coa oferta de fresas se o prezo de venda das mesmas pasase de 1,20 a 1,80 euros/k? Pois que se produciría un movemento ao longo da curva de oferta. (Represéntaa gráficamente).

Se resulta que os produtores de fresas ven que poden contratar a traballadores inmigrantes a un prezo menor, é dicir, que o custo dos factores se vexa reducido, para cada prezo estarán gañando máis e polo tanto estarán dispostos a vender maiores cantidades.
É dicir a un prezo de 1 €/k se antes viamos que os produtores están dispostos a ofrecer 1.000 quilos, se resulta que os custos de produción son menores, haberá máis produtores que ofrezan fresas e aos propios produtores de fresas resultaralles máis atractivo o investimento para conseguir unha maior oferta e poderiamos supoñer que ao final se ofrecerían 1.500 quilos. Poderiamos dicir que a 1,20 €/k estarían dispostos a ofrecer 3.500 quilos; a 1,50 €/k 10.000 quilos e a 1,80 €/k 15.000 quilos.

En consecuencia, producirase un desprazamento de toda a curva de oferta para a dereita como consecuencia do efecto positivo que sobre a oferta de fresas fai que o custo da man de obra sexa menor e se obteñan maiores beneficios para cada prezo.

EXERCICIOS